فوتو: kz.oqu.news
سينوپتيكتەردىڭ ايتۋىنشا, جازدىڭ العاشقى ايى ىستىق بولادى.
«ماۋسىم ايى ىستىق بولادى, ءبىر ايداعى ورتاشا اۋا تەمپەراتۋراسى رەسپۋبليكانىڭ باسىم بولىگىندە نورمادان 1-2 گرادۋسقا جوعارى بولادى دەپ بولجاندى. شىعىس قازاقستان, الماتى, جەتىسۋ, تۇركىستان, اباي, جامبىل, قاراعاندى وبلىستارىندا نورما شاماسىندا بولادى. ماۋسىمداعى جاۋىن-شاشىن مولشەرى رەسپۋبليكانىڭ باسىم بولىگىندە ۇزاق مەرزىمدى ماندەر شاماسىندا بولادى دەپ بولجاندى. اتىراۋ, ماڭعىستاۋ, باتىس قازاقستان, قىزىلوردا, اقتوبە وبلىستارىندا نورمادان از بولادى. اتموسفەرانىڭ ىلعالدانۋى نەگىزىنەن نورماعا جاقىن بولادى, بىراق قازاقستاننىڭ بىرقاتار وڭىرىنە قۇرعاقشىلىق قاۋپى قاۋپى ءتونىپ تۇر», دەپ حابارلادى «قازگيدرومەت» رمك وكىلدەرى.
ولاردىڭ ايتۋىنشا, اتموسفەرالىق قۇرعاقشىلىق كەلەسى وبلىستاردا بايقالادى:
- قوستاناي وبلىسىندا – امانگەلدى جانە جانگەلدى اۋداندارىندا,
- ماڭعىستاۋ وبلىسىندا – ماڭعىستاۋ جانە قاراقيان اۋداندارىندا,
- باتىس قازاقستان وبلىسىندا – كازتالوۆ اۋدانىندا,
- قاراعاندى وبلىسىندا – شەت اۋدانىندا.
شىعىس قازاقستان وبلىسىنىڭ كاتونقاراعاي اۋدانىندا, پاۆلودار وبلىسىنىڭ ۋسپەن اۋدانىندا جانە پاۆلودار قالاسىندا ماۋسىم ايىندا قالىپتى ىلعالدىلىق كۇتىلەدى.
