قوزعالتقىش ءوندىرىسىن دامىتا تۇسەدى

ارنايى ليتسەنزياسى بار كومپانيا وق-دارىلەردى, قارۋ-جاراق پەن اسكەري تەح­نيكانى, ولارعا ارنالعان قوسالقى بول­شەكتەردى دايىنداپ, ساتۋ, ورناتۋ, جوندەۋ, قىزمەت كورسەتۋ جۇمىستارىمەن اينالىسادى. جوباعا بۇگىنگە دەيىن 2 ملرد تەڭگەدەن استام قارجى جۇمسالعان.

«كومپانيا بەس جىلدان بەرى اسكەري جانە ازاماتتىق تەحنيكاعا ارنالعان ديزەلدىك قوزعالتقىش پەن ونىڭ قوسالقى بولشەكتەرىن وندىرۋمەن اينالىسادى. نەگىزگى تاپسىرىس بەرۋشى – قورعانىس مينيسترلىگى. مەملەكەتتىك تاپسىرىس نەگىزىندە جۇمىس ىستەيمىز. سونداي-اق ءونىمىمىزدى جاقىندا ۆەتنام ەلىنە دە ەكسپورتتاۋدى قولعا الماقپىز. ازىرگە بىرنەشە دانا دۆيگاتەل ول جاققا دايىندالىپ جاتىر. زاۋىتتىڭ وندىرىستىك تسەحى تاپسىرىسپەن ءبىر جىلدا شامامەن 120 قوزعالتقىش شىعارادى. بىزدە مەملەكەت وتاندىق ءونىمدى قولداۋ ماقساتىندا اۋىل شارۋاشىلىعى ماشينالارى نەمەسە وزگە دە سالالىق وندىرىسكە ارنالعان تەحنيكالاردىڭ قوزعالتقىشىنا قاتىستى تاپسىرىس اياسىن كەڭەيتسە دەگەن تىلەك بار. ال تاپسىرىس كولەمى ۇلعايسا, كاسىپورىنداعى ءونىم سانىن ودان ءارى ۇلعايتۋعا ابدەن بولادى. سونداي-اق جۇمىسشىلاردىڭ دا قاتارى كوبەيەتىنى انىق», دەيدى كومپانيا ديرەكتورىنىڭ ورىنباسارى سانجار ءابدىراحمانوۆ.

ونىڭ ايتۋىنشا, كاسىپورىندا بىلىكتى ماماندار ەڭبەك ەتەدى. ولاردىڭ جۇمىسىنا قاجەتتى قۇ­رىلعىلار مەن جابدىقتار جەت­كىلىكتى. ارنايى قوزعالت­قىشتى سىناۋعا ارنالعان زەرتحانا دا جۇ­مىس ىستەپ تۇر. وندىرىسكە كەرەكتى ينفرا­قۇرىلىمنىڭ بارلىعى تار­تىلعان.

«قازىر كومپانيادا اكىم­شىلىك قۇرام­نان بولەك, تا­جىريبەلى 37 مامان بار. ولار ديزەلدىك قوز­عالتقىشتىڭ بول­شەكتەرىن قۇراس­تىرۋمەن, كۇر­دەلى جون­دەۋ­مەن اينالىسادى. ياعني اۋىر سال­ماقتاعى تانك پەن جاياۋ اسكەرگە ارنالعان جاۋىنگەرلىك ماشي­ناسى, قىس­قاشا «بمپ» دەپ اتالاتىن كو­لىككە ارنال­­عان قوزعالتقىش شى­عارامىز. نەگىز­گى شيكىزات – ءيىندى بىلىك پەن پورشەن رە­سەيدەن كەلەدى. قالعان بول­شەك­تەر, ياعني ءونىمنىڭ 60 پايىزى وزىمىزدە دايىندالادى», دەيدى وندىرىستىك تسەحتىڭ باسشىسى تالعات جاۋعاشتين.

ايتۋىنشا, كاسىپورىننىڭ وندىرىستىك-سىناۋ كەشەنىنە ديزەل­دىك قوزعالت­قىشتاردىڭ سىنا­عىن جۇرگىزۋگە اككرەديتتەلگەن «سىناق زەرتحاناسى» مارتەبەسى بە­رىلگەن. جاڭادان كەلگەن ما­ماندارعا تاجىريبەلى موتور قۇ­راس­تىرۋشىلار مەن سلەسارلار كورگەن-بىلگەنىن ۇيرەتىپ, وقۋ-تا­جىريبەدەن وتكىزەدى.

ء«بىر قوزعالتقىشتىڭ بارلىق بول­شەگى دايىن بولعان جاعدايدا, ونى قۇراستىرۋعا 22 ساعات بەرى­لە­دى. بۇل جۇمىستى ەكى مامان بىرلەسە اتقارادى. ءبىرى – موتور قۇ­راستىرۋشى, ءبىرى – سلەسار. بۇدان كەيىن قۇراستىرىلعان قوز­عالتقىشتى زەرتحاناعا كىرگىزىپ, ارنايى سىناققا 10 ساعات ۋاقىت بولىنەدى. مۇندا ءونىم تولىق كومپيۋتەرلىك دياگنوستيكادان وتەدى. وسىلايشا, 32 ساعاتتا ءبىر قوزعالتقىش دايىن بولادى. ودان كەيىن قوزعالتقىشتى تازالاۋ, سىرلاۋ سياقتى قوسىمشا جۇمىستار باستالادى», دەيدى.

ءوندىرىس ورنىندا جاستاردى تەح­نيكالىق ماماندىققا قىزىق­تىرۋ ماق­­ساتىمەن ءتۇرلى كەزدەسۋ بولىپ تۇرادى. بىلتىر عانا استانا قالاسىنىڭ مەكتەپ­تەرىنەن 9 جانە 11-سىنىپتى بىتىرۋشىلەر زاۋىت ىشىندە 2 ايعا جۋىق ۋاقىت بولىپ, ارنايى تاجىريبەلىك ساباققا قاتىسقان. سول شاكىرتتەردىڭ كوبى بۇگىندە تەحنيكالىق ماماندىقتى تاڭداپ, كوللەدج بەن ۋنيۆەرسيتەتتە ءبىلىم الىپ ءجۇر.

ايتا كەتەيىك, اۋماعى 4,2 گەك­تار جەردى الىپ جاتقان كا­سىپورىن ىشىندەگى وندىرىستىك تسەح­تىڭ ءوزى بىرنەشە بولىمگە بولىنەدى. مۇندا قوعالتقىشتاردى بول­شەك­تەۋگە جانە اقاۋلاردى جويۋعا, مون­­­تاجداۋعا, بولشەكتەردى جۋعا, تا­زالاۋعا ارنالعان ارنايى اۋماق­تار بار. توكارلىق جۇ­مىس­­تار مەن دانەكەرلەۋ, كەسۋ, جونۋ بولمەلەرى دە بولەك-بولەك ورنا­لاسقان. ارنايى قوسالقى بول­شەكتەر مەن دايىن ونىمدەر قويماسى دا جاساقتالىپتى. جۋىر­دا زاۋىت باس­شىلىعى ون­دى­رىس­­تەگى بارلىق جاب­دىق­تى جا­ڭالاماق.