فوتو: م.تاجكۋرانوۆ.
مارافون-بايگە مايتالماندارىن سالتاناتتى تۇردە ماراپاتتاۋ راسىمىنە استانا تۇرعىندارى مەن قوناقتارى ساعات 19:00-دە كوكشەتاۋدان قالاعا كىرە بەرىستەگى ەكوپوستتىڭ جانىندا ورنالاسقان «قۇلاگەر» مونۋمەنتىندە كۋا بولا الادى.
باس جۇلدە - 15 000 000 تەڭگە, 2 ورىن - 10 000 000 تەڭگە, 3 ورىن - 5 000 000 تەڭگە. سونىمەن قاتار العاشقى ءۇش جەڭىمپاز 5-ءشى دۇنيەجۇزىلىك كوشپەندىلەر ويىندارى الدىندا 3-7 قىركۇيەك ارالىعىندا وتەتىن حالىقارالىق مارافون-بايگەگە قاتىسۋعا ليتسەنزيا الادى. حالىقارالىق كەزەڭگە شەت مەملەكەتتەردەن كەمىندە 10 كوماندا قاتىسادى دەپ جوسپارلانعان (تۇركيا, ساۋد ارابياسى, موڭعوليا, ۆەنگريا, تۇرىكمەنستان, يران, وزبەكستان جانە ت.ب.).
« ۇلى دالا جورىعى» – جىلقىنىڭ ەڭ مىقتى ءارى ءتوزىمدى تۇقىمى انىقتالاتىن دالالىق لابوراتورياسى.
كوپكۇندىك ەپيكالىق مارافون-بايگەنىڭ ۇيىمداستىرۋشىلارى: ۇلتتىق سپورت قاۋىمداستىعى مەن «JORYQ» فەدەراتسياسى, قولداۋ كورسەتۋشىلەر: «امانات» پارتياسى, پاۆلودار وبلىستىق اكىمدىگى, تۋريزم جانە سپورت مينيسترلىگى, اقپاراتتىق سەرىكتەستەر: «قازاقستان», «حابار», «استانا» تەلەارنالارى. پاۆلودار, اقمولا وبلىستارىن قامتىعان وسى جىلعى مارافوندا جول قاشىقتىعى 500 شاقىرىمدى قۇرادى.
