فوتو: gov.kz
ماۋسىمارالىق كەزەڭدە ساۋدا جانە ينتەگراتسيا مينيسترلىگى «QazTrade» اق-مەن جانە جەرگىلىكتى اتقارۋشى ورگاندارمەن بىرلەسىپ, وتاندىق ءونىم شىققانعا دەيىن ىشكى نارىقتى ەرتە پىسەتىن كوكونىس ونىمدەرىمەن قامتاماسىز ەتۋ بويىنشا جۇمىس جۇرگىزىپ جاتىر.
ەرتە پىسەتىن كوكونىستەردىڭ جەتكىزىلۋىن ساپالى ۇيىمداستىرۋ ماقساتىندا وزبەكستان مەن تاجىكستاننىڭ ونىرۋشىلەرىمەن كوشپەلى كەزدەسۋلەر ۇيىمداستىرىلدى.
وزبەكستاننىڭ «UZTRADE» اق سىرتقى ساۋدا كومپانياسىمەن كەلىسىمشارتتار جاسالدى. تاجىكستاندا تاجىكستان رەسپۋبليكاسىنىڭ ۇكىمەتى جانىنداعى ەكسپورت جونىندەگى اگەنتتىكپەن, تاجىكستان رەسپۋبليكاسىنىڭ ۇكىمەتى جانىنداعى مەملەكەتتىك ماتەريالدىق رەزەرۆتەر جونىندەگى اگەنتتىكپەن وسىنداي كەلىسىمدەرگە قول قويىلدى.
