فوتو: gov.kz
دۇنيەجۇزىلىك ەكونوميكالىق فورۋمنىڭ (World Economic Forum) ساياحات پەن ءتۋريزمدى دامىتۋ يندەكسىنە سايكەس, قازاقستان تۋريستىك باعىتتار تىزىمىندە 119 ەل اراسىنان 52-ورىندى يەلەندى.
ايتا كەتەيىك, بۇعان دەيىنگى يندەكستە قازاقستان 117 مەملەكەت اراسىنان 66 ورىنعا ورنالاسقان ەدى.
ء«بىزدىڭ ەلىمىز مىنا ساناتتار بويىنشا ەڭ جوعارى باعا الدى: باعالىق باسەكەگە قابىلەتتىلىك (2 ورىن), ءتۋريزمنىڭ الەۋمەتتىك-ەكونوميكالىق اسەرى (5), دەنساۋلىق ساقتاۋ جانە گيگيەنا (23), تابيعي (30) جانە مادەني رەسۋرستار (48), سونداي-اق ادامي كاپيتال مەن ەڭبەك نارىعى (43) جانە تۋريستىك ينفراقۇرىلىم مەن سەرۆيس (47)», دەلىنگەن حابارلامادا.
قازاقستان ازەربايجان (56), وزبەكستان (78), قىرعىزستان (102) سياقتى ەلدەردى باسىپ وزىپ, ورتالىق ازياداعى ەڭ جوعارى كورسەتكىشكە يە بولدى.
