فوتو: قر ۇكىمەتى
مەملەكەت باسشىسى قاسىم-جومارت توقاەۆتىڭ «ادىلەتتى قازاقستاننىڭ ەكونوميكالىق باعدارى» اتتى جولداۋىن ىسكە اسىرۋ شەڭبەرىندە بانك اۋىل شارۋاشىلىعىن دامىتۋ بويىنشا باسىم باعىتتارعا تالداۋ جاسادى. ولاردىڭ ىشىندە ەت, ءسۇت جانە استىقتى تەرەڭ وڭدەۋ, ونەركاسىپتىك جىلىجاي شارۋاشىلىعىن دامىتۋ, قۇس فابريكالارىن, كوكونىس قويمالارىن جانە ەتتى مال شارۋاشىلىعى كاسىپورىندارىن سالۋ ماسەلەلەرى بار.
مارات ەلىباەۆ قدب-نىڭ ەكىنشى دەڭگەيلى بانكتەرمەن, باسقا دا قارجى ينستيتۋتتارىمەن بىرلەسە وتىرىپ, اگروونەركاسىپ كەشەنىندەگى ينۆەستيتسيالىق جوبالاردى ىسكە اسىرۋ ءۇشىن جالپى سوماسى 1 ترلن 220 ملرد تەڭگەگە قارجىلاندىرۋدى قامتاماسىز ەتۋگە دايىن ەكەندىگى تۋرالى باياندادى.
بۇگىندە بانك وتاندىق ينۆەستورلاردىڭ جاڭا جوبالارىن قاراۋعا كىرىستى.
ۇكىمەت باسشىسى ولجاس بەكتەنوۆ بانك باسشىلىعىنا ازىق-ت ۇلىك قاۋىپسىزدىگىن قامتاماسىز ەتۋگە, يمپورتتى الماستىرۋعا جانە وتاندىق اۋىل شارۋاشىلىعى ونىمدەرىنىڭ ەكسپورتىن ۇلعايتۋعا باعىتتالعان ينۆەستيتسيالىق جوبالارعا باسىمدىق بەرە وتىرىپ قاراۋدى تاپسىردى.
قدب-نىڭ اگروونەركاسىپ سەكتورىندا جوبالاردى جۇزەگە اسىرۋدا تاجىريبەسى بار. ونىڭ ىشىندە اقمولا وبلىسىندا ەت وندىرەتىن قۇس فابريكاسىن, مايلى داقىلدار وڭدەۋ زاۋىتتارىن سالۋ جانە جاڭعىرتۋ جۇمىستارىن اتاپ كورسەتۋگە بولادى. سونداي-اق بانكتىڭ قارجىلاندىرۋىمەن تۇركىستان وبلىسىندا ەلىمىزدەگى ەڭ ءىرى جىلىجاي كەشەنىنىڭ قۇرىلىسى باستالدى. ونىڭ ءبىرىنشى كەزەڭى كەلەسى جىلى ىسكە قوسىلادى دەپ جوسپارلانعان.
