فوتو: ۆيدەوسكرين. تج جونىندەگى جەدەل شتاب
ءۇيدى ارالاۋ بارلىق باعالاۋ جۇمىستارى تولىق اياقتالعانعا دەيىن كۇن سايىن دەمالىسسىز جالعاساتىن بولادى.
سونىمەن قاتار سۋ تاسقىنى كەزىندە زارداپ شەككەن تۇرعىندارمەن اقشالاي وتەماقى تولەۋ بويىنشا كەلىسىمدەر جاساسۋ بويىنشا جۇمىستار جەرگىلىكتى مادەنيەت ۇيىندە جۇرگىزىلىپ جاتىر.
تۇرعىنداردىڭ ءبىرى تويعان قاراباەۆا باعالاۋ ناتيجەسىندە كورسەتىلگەن اقشالاي وتەماقى سوماسىن الۋعا كەلىسىپ وتىر. ونىڭ ءۇيى 5 ساۋىردە سۋ تاسقىنى كەزىندە قۇلاپ قالعان ەدى.
«قۇلسارىداعى شاعىن اۋداندارىنىڭ بىرىندە پاتەر جالداپ ءجۇرمىن. سوندىقتان, تەزىرەك باسپانا ساتىپ الۋىم كەرەك. اقشالاي وتەماقى العاننان كەيىن جاڭادان ءۇي سالامىن نەمەسە جاڭا ءۇي ساتىپ الۋىم دا مۇمكىن. ماعان وتەماقى بەرىپ وتىرعان مەملەكەتكە العىس ايتامىن», دەدى زارداپ شەگۋشى.
زارداپ شەككەندەردىڭ قاتارىندا قۇلسارى قالاسىنىڭ اتىراۋ شاعىن اۋدانىنىڭ تۇرعىنى لاۋرا ساندىباەۆا دا بار. ونىڭ ءۇيى 5 ساۋىردە سۋ استىندا قالعان ەدى. كەيىن اۋلاسى قۇرعاتىلىپ, ءۇي مامانداردىڭ باعالاۋىنان ءوتتى.
«ماعان ەكى باعالاۋ كوميسسياسى كەلدى. ولاردىڭ جۇمىسىنىڭ ناتيجەلەرىن جانە سۋ باسقان تۇرعىن ءۇيىمنىڭ زالالىن جاريالاۋدى كۇتىپ ءجۇرمىن. ەگەر ۇسىنىلعان سوما قاجەتىمدى وتەيتىن دەڭگەيدە بولسا, اقشالاي وتەماقى الۋعا كەلىسىم بەرەمىن», دەيدى ول.
باعالاۋ ناتيجەلەرىمەن تانىسقاننان كەيىن ەكى كۇن وتكەن سوڭ, قۇلسارى تۇرعىندارى مەملەكەتتەن كومەك الۋ ءۇشىن جىلىوي اۋدانىنىڭ اكىمدىگىنە جۇگىنە الادى. كەلىسىم شەڭبەرىندە تۇرعىندار زارداپ شەككەن تۇرعىن ءۇي ءۇشىن وتەماقى وپتسيالارىن تاڭداي الادى.
