ينجەنەرلىك جەلىلەردى سالۋعا قارجى بولىنەدى

اتاپ ايتقاندا, ۇلىتاۋ وبلىسىنىڭ اكىمدىگىنە جەزقازعان قالاسىنىڭ باتىس اۋدانى­نىڭ جاڭا شاعىن اۋدانىنا كارىز جەلىلەرىن, ماگيسترالدى سۋ قۇبىرى مەن ماگيسترالدى جىلۋ جەلىسىن سالۋ ءۇشىن ۇكىمەت رەزەرۆىنەن 4,8 ملرد تەڭگەدەن استام قاراجات اۋدارىلادى.

وبلىس ورتالىعى مارتەبەسىن العاننان كەيىن قالادا باتىس اۋدانى قارقىندى تۇردە دامي باستادى. وندا جاڭا تۇرعىن ۇيلەر مەن بىرقاتار الەۋمەتتىك نىسان, ونىڭ ىشىندە 1200 ورىنعا ارنالعان مەكتەپ قۇرىلىسى باستالدى (2024 جىلدىڭ سوڭىنا دەيىن پايدالانۋعا بەرۋ جوسپاردا بار). قاجەتتى ينجەنەرلىك كوممۋنيكاتسيالاردى ۋاقتىلى جۇرگىزۋ بارلىق بەلگىلەنگەن وبەكتىنىڭ تولىققاندى ىسكە قوسىلۋىن قامتاماسىز ەتۋگە مۇمكىندىك بەرەدى.

ايتا كەتۋ كەرەك, جالپى ۇلىتاۋ وبلىسىندا كوممۋنالدىق جەلىلەردىڭ توزۋ دەڭگەيىن ازايتۋ جانە رەكونسترۋكتسيالاۋ بويىنشا جوسپارلى جۇمىستار جۇرگىزىلىپ جاتىر. كەيىنگى كەزدە مىناداي ناتيجەلەرگە قول جەتكىزىلدى: ۇزىندىعى 1314 شاقىرىمنان اساتىن سۋ قۇبىرى جەلىلەرى بويىنشا توزۋ دەڭگەيى 56,5-تەن 51,2%-عا, سۋ بۇرۋ جەلىلەرى بويىنشا (539 كم) – 74,6-دان 71,2%-عا, جىلۋمەن جابدىقتاۋ جەلىلەرى بويىنشا (639 كم) – 60-تان 58%-عا دەيىن تومەندەدى.

تۇرعىن ءۇي-كوممۋنالدىق سەكتوردى ساۋىق­تىرۋ بويىنشا كەشەندى جۇمىس رەسپۋبلي­كانىڭ بارلىق وڭىرىندە جۇرگىزىلەدى جانە ۇكىمەت باسشىلىعىنىڭ تىكەلەي باقىلاۋىندا.