ەلىمىزدە «eGov mobile» ءموبيلدى قوسىمشاسى ارقىلى ينتەرنەت جەلىسىن قوساتىن ىڭعايلى سەرۆيس ىسكە قوسىلدى. تسيفرلىق دامۋ, يننوۆاتسيالار, اەروعارىش ونەركاسىبى مينيسترلىگىنىڭ مالىمدەمەسى بويىنشا, بۇل يننوۆاتسيالىق جۇيە «ۇلتتىق اقپاراتتىق تەحنولوگيالار» اق-مەن بىرلەسە ازىرلەنگەن. ەندى قىزمەتتى قالاي پايدالانۋعا بولادى؟ اۋەلى قوسىمشانىڭ «سەرۆيستەر» بولىمىنە ءوتىپ, سودان سوڭ «ينتەرنەتتى قوسۋ» تارماعىن تاڭدايسىز. سوسىن قاجەتتى ءتاريفتى تاڭداعان سوڭ, ء«وتىنىش بەرۋ» تۇيمەسىن باسىپ, دەرەكتەردى راستاساڭىز, ء«سىزدىڭ ءوتىنىشىڭىز قابىلداندى» دەگەن حابارلاما كەلەدى. ال ەگەر ۇيىڭىزدە وپتيكالىق جەلىلەر بولماسا, وپەراتور ماماندارى بالاما قوسىلىم وپتسيالارىن ۇسىنۋ ءۇشىن ءبىر ساعات ىشىندە حابارلاسادى. وسىلايشا, ينتەرنەتتى قوسۋ ۇدەرىسى ەلىمىزدەگى ءار ازامات ءۇشىن بارىنشا ىڭعايلى جانە قاراپايىم بولا ءتۇستى.
