فوتو: قورعانىس مينيسترلىگى
ءىس-شارانى «اسكەري-ستراتەگيالىق زەرتتەۋلەر ورتالىعى» اق جانە «قارۋلى كۇشتەر ارداگەرلەرى» رقب ورتالىق كەڭەسى ۇيىمداستىردى. سيمپوزيۋمعا قورعانىس مينيسترلىگىنىڭ, قر پرەزيدەنتى مۇراعاتىنىڭ, اسكەري-ستراتەگيالىق زەرتتەۋلەر ورتالىعىنىڭ, ۇلتتىق قورعانىس ۋنيۆەرسيتەتىنىڭ باسشىلىعى, قارۋلى كۇشتەردىڭ اسكەري قىزمەتشىلەرى مەن ارداگەرلەرى, استانا قالاسىنداعى اسكەري كوللەدج كادەتتەرى, «جاس سارباز» بالالار-جاسوسپىرىمدەر اسكەري-پاتريوتتىق قوزعالىسىنىڭ تاربيەلەنۋشىلەرى قاتىستى.
قورعانىس ءمينيسترى گەنەرال-پولكوۆنيك رۋسلان جاقسىلىقوۆ قاتىسۋشىلاردى ەلىمىزدە ساعادات نۇرماعامبەتوۆتىڭ مەرەيتويى اياسىندا وتكىزىلىپ جاتقان ءىس-شارالار تۋرالى ايتتى.
الماتى قالاسىنداعى قۇرلىق اسكەرلەرى اسكەري ينستيتۋتىندا «اسكەري انت» تەلەسەريالى ءتۇسىرىلدى. سونداي-اق 25 مامىر كۇنى اقمولا وبلىسىنىڭ اقكول قالاسىندا ساعادات نۇرماعامبەتوۆ اتىنداعى ەسكەرتكىش پەن سكۆەر اشىلادى. بيىلعى جىلدىڭ 16-سى مەن 23-ءى ماۋسىمى ارالىعىندا الماتى قالاسىنداعى قۇرلىق اسكەرلەرى اسكەري ينستيتۋتىنىڭ ء«الي» وقۋ-جاتتىعۋ ورتالىعىندا حالىق باتىرىنىڭ قۇرمەتىنە «ايبىن» X حالىقارالىق اسكەري-پاتريوتتىق جاستار جيىنى دا وتەدى.
گەنەرال-پولكوۆنيك رۋسلان جاقسىلىقوۆ 1-ءشى تۇركىستان پۋلەمەت اسكەري ۋچيليششەسىنىڭ تۇلەگى ساعادات نۇرماعامبەتوۆتىڭ ۇلى وتان سوعىسى تاريحىنداعى بىرەگەي ورنىن اتاپ ءوتتى.
«اسكەري قىزمەتكە 50 جىلدان استام عۇمىرىن ارناعان باتىر سوعىس جىلدارىن پۋلەمەت ۆزۆودىنىڭ كومانديرى رەتىندە باستاپ, اتقىشتار باتالونىنىڭ كومانديرى بولىپ اياقتادى. ۇلى وتان سوعىسىندا كۋباننان بەرلينگە دەيىنگى جولدى ءوتتى. ونىڭ ۇزەڭگىلەس دوسى, جاۋىنگەرلىك سەرىگى, وفيتسەر, سوعىسقا قاتىسۋشى لەونيد گيرش ساعادات نۇرماعامبەتوۆتىڭ بۇكىل سوعىستا مايداندا, وق پەن وتتىڭ اراسىندا وتكەرگەنىن ايتادى», دەدى گەنەرال-پولكوۆنيك رۋسلان جاقسىلىقوۆ.
«قارۋلى كۇشتەر ارداگەرلەرى» رقب ورتالىق كەڭەسىنىڭ توراعاسى حالىق قاھارمانى ارميا گەنەرالى مۇحتار التىنباەۆ كوز كورگەن باسشىسى جايلى جىلى ەستەلىكتەرىمەن بولىسسە, «اسكەري-ستراتەگيالىق زەرتتەۋلەر ورتالىعى» اق پرەزيدەنتى گەنەرال-مايور اسحات رىسپاەۆ ارميا گەنەرالى ساعادات نۇرماعامبەتوۆتىڭ مەرەيتويىنا ارنالعان عىلىمي-زەرتتەۋ جۇمىسىن تانىستىردى.
قازاقستان رەسپۋبليكاسى پرەزيدەنتى مۇراعاتىنىڭ ديرەكتورى ءاليا مۇستافينا ءوز سوزىندە ارميا گەنەرالى ساعادات نۇرماعامبەتوۆتىڭ ءومىرى مەن قىزمەتىنە قاتىستى ماتەريالدار مەن قۇجاتتاردى جيناۋ جۇمىستارى تۋرالى مالىمدەدى.
قورعانىس مينيسترلىگى مەن سيمپوزيۋمعا قاتىسۋشىلارعا حالىق باتىرىنىڭ قىزى ايسۇلۋ ساعاداتقىزى نۇرماعامبەتوۆا بەينەبايلانىس ارقىلى العىسىن جەتكىزدى.
ءىس-شارا سوڭى قارۋلى كۇشتەردىڭ بىرقاتار ارداگەرىنە «س.ق. نۇرماعامبەتوۆكە 100 جىل» ەستەلىك بەلگىسىن تابىستاۋمەن جانە قر قارۋلى كۇشتەرى ۇلتتىق اسكەري-پاتريوتتىق ورتالىعى شىعارماشىلىق ۇجىمىنىڭ مەرەكەلىك كونتسەرتىمەن اياقتالدى.
