فوتو:depositphotos.com
سينوپتيكتەر ەلدىڭ وڭتۇستىك-شىعىسىندا جانە شىعىسىندا نوسەر جاڭبىر مەن بۇرشاق جاۋادى دەپ بولجاپ وتىر. تەك سولتۇستىكتە جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەل كۇشەيەدى, تۇندە جانە تاڭەرتەڭ سولتۇستىك-باتىستا, رەسپۋبليكا ورتالىعىندا تۇمان تۇسەدى.
جەتىسۋ وبلىسىندا, الاكول كولدەرى ايماعىندا كەي جەرلەردە جەل 30 م/س دەيىن جەتەدى.
تۇندە پاۆلوداردىڭ سولتۇستىگىندە, قوستاناي, اقمولا, سولتۇستىك قازاقستان وبلىستارىنىڭ سولتۇستىگى مەن شىعىسىندا 2-3 گرادۋس ۇسىك جۇرەدى.
قاراعاندىنىڭ وڭتۇستىگىندە, ۇلىتاۋ وبلىسىنىڭ ورتالىعىندا, اباي وبلىسىنىڭ وڭتۇستىگىندە, اقتوبە, قوستاناي وبلىستارىنىڭ وڭتۇستىگىندە, اتىراۋ وبلىسىنىڭ سولتۇستىك-باتىسىندا, شىعىس قازاقستاننىڭ وڭتۇستىك-شىعىسىندا, سولتۇستىگىندە, وڭتۇستىگىندە, ورتالىعىندا قىزىلوردا, باتىس قازاقستان وبلىستارىنىڭ باتىسىندا, وڭتۇستىك-باتىسىندا, جەتىسۋ وبلىسىنىڭ شىعىسىندا جوعارى ءورت قاۋپى ساقتالادى, تۇركىستان وبلىسىنىڭ ءشولدى ايماقتارىندا, اباي وبلىسىنىڭ ءۇرجار اۋدانىندا وتە جوعارى ءورت قاۋپى ساقتالادى.
