فوتو: 24.kz
مەتەورولوگتار وڭتۇستىك تسيكلون جانە ونىمەن بايلانىستى اتموسفەرالىق فرونتالدى بولىكتەردىڭ ەل وڭىرلەرىنىڭ كوپ بولىگىندە ءوز اسەرىن ساقتايتىنىن ناقتىلادى.
«نايزاعاي ويناپ, جاڭبىر جاۋادى, وڭتۇستىك-شىعىستا, شىعىستا قاتتى جاڭبىر جاۋىپ, بۇرشاق تۇسەدى, جەل سوعادى. تەك ەلىمىزدىڭ سولتۇستىگىندە عانا جاۋىن-شاشىنسىز اۋا رايى كۇتىلەدى», دەپ حابارلادى ۆەدومستۆودان.
سونىمەن قاتار رەسپۋبليكامىز بويىنشا جەلدىڭ ەكپىن الۋى سىندى ورتاق تابيعي قۇبىلىس ءتان, تۇندە جانە تاڭەرتەڭ سولتۇستىك-باتىستا, ەلىمىزدىڭ ورتالىعىندا تۇمان بولادى.
«جەتىسۋ وبلىسىندا الاكول اۋدانى اۋماعىندا سەكۋندىنا 30 مەتر جانە ودان دا جوعارى جىلدامدىقپەن جەل سوعادى دەپ كۇتىلەدى», دەدى سينوپتيكتەر.
سونداي-اق تۇندە پاۆلودار وبلىسىنىڭ سولتۇستىگىندە, قوستاناي, اقمولا, سولتۇستىك قازاقستان وبلىستارىنىڭ سولتۇستىگىندە, شىعىسىندا سىناپ باعانى تومەندەپ, 2-3 گرادۋس سۋىقتى كورسەتەدى دەپ بولجانادى.
توتەنشە ءورت قاۋپى تۇركىستان وبلىسىنىڭ شولەيتتى اۋداندارىندا جانە اباي وبلىسىنىڭ ءۇرجار اۋدانىندا ساقتالادى.
