فوتو: ەلدار شەكەربەكتىڭ جەكە مۇراعاتىنان
ءبىزدىڭ سپورتشىمىز 10 شاقىرىم قاشىقتىقتى ءجۇزىپ ءوتىپ, التىن مەدال جەڭىپ الدى.
چەمپيوناتقا مەكسيكا, اۋستراليا, ۇلىبريتانيا, يسپانيا, يتاليا, ماكەدونيا, فرانتسيا, ەگيپەت, پولشا جانە باسقا دا 30 ەلدىڭ جۇزۋشىلەرى قاتىستى.
ەلداردىڭ ايتۋىنشا, 10 شاقىرىمعا ءجۇزۋ تارتىستى ءوتتى. قاتىسۋشىلار وتە كۇشتى جانە جەڭىسكە دەگەن ىنتالارى جوعارى بولدى.
«Oceanman» حالىقارالىق ءجۇزۋ جارىستارى تەڭىزدە نەمەسە اشىق سۋدا وتكىزىلەدى جانە سالاۋاتتى ءومىر سالتىن ۇستاناتىن ادامدار اراسىندا جىل سايىن تانىمالدىلىعى ارتىپ كەلەدى. Oceanman - بۇل جىل سايىن الەمنىڭ ءارتۇرلى بولىكتەرىندە بىرنەشە جارىستار وتەتىن بىرلەسكەن چەمپيونات. بىلىكتىلىك جۇيەسىنىڭ ەرەجەسى بويىنشا ءار كەزەڭنەن العاشقى 10 ايەل مەن 10 ەر ادام فينالعا اۆتوماتتى تۇردە وتەدى.
ەلدار شەكەربەك - 2,5 جانە 10 كم قاشىقتىقتاعى قازاقستاننىڭ قازىرگى چەمپيونى, 5 كم جۇزۋدەگى ازيانىڭ ءابسوليۋتتى چەمپيونى, 3*500 م ەستافەتادا الەم چەمپيونى, 10 كم قاشىقتىقتاعى پارسى شىعاناعىندا ءجۇزۋدىڭ كۇمىس جانە قولا جۇلدەلەرىنىڭ يەگەرى, 2023 جىلعى ۋنيۆەرسيادانىڭ ء(باا) جەڭىمپازى.
