فوتو: اشىق دەرەككوزدەن
وتكەن جىلى ايىپتالۋشىعا سوت ۇكىمىمەن 500 اەك (1 725 000 تەڭگە) كولەمىندە ايىپپۇل تۇرىندە جازا تاعايىندالعان. سونداي-اق جابىرلەنۋشىلەردىڭ پايداسىنا ارقايسىسى 500 مىڭ تەڭگە مورالدىق شىعىن جانە وكىلدىڭ قىزمەتىنە وتەماقى تولەۋگە كەتكەن 1 600 000 تەڭگە ءوندىرىلدى.
اپەللياتسيالىق ساتى سوت ۇكىمىن وزگەرتىپ, ن.بولاتتان جابىرلەنۋشىلەردىڭ پايداسىنا اپەللياتسيالىق ساتىداعى سوتقا قاتىسۋ ءۇشىن وكىلدىڭ قىزمەتىنە 400 000 تەڭگە كولەمىندە شىعىن ءوندىرىلدى.
«كاسساتسيالىق سوت وتىرىسى جابىرلەنۋشىلەردىڭ ءوتىنىشحاتى بويىنشا ءوتتى. ولار سوت اكتىلەرىن وزگەرتىپ, وعان باس بوستاندىعىنان ايىرۋ جازاسىن تاعايىنداۋدى سۇرادى.
قىلمىستىق ءىستى قاراۋ ناتيجەلەرى بويىنشا جوعارعى سوتتىڭ قىلمىستىق ىستەر جونىندەگى سوت القاسى سوت اكتىلەرىن وزگەرتىپ, ن.بولاتقا 2 جىلعا باس بوستاندىعىن شەكتەۋ جازاسى تاعايىندالدى, سونداي-اق ارقايسىسىنا 1 ميلليون تەڭگەگە دەيىن مورالدىق زالالدىڭ وتەماقى مولشەرى ءوستى», دەلىنگەن جوعارعى سوت حابارلاماسىندا.
