فوتو: ktk.kz
مەتەورولوگتاردىڭ بولجامى بويىنشا, الداعى تاۋلىكتەردە قازاقستانداعى اۋا رايى وڭتۇستىك تسيكلونمەن جانە ونىمەن بايلانىستى اتموسفەرالىق فرونتالدى ۋچاسكەلەرمەن انىقتالادى. ەلىمىزدىڭ باسىم بولىگىندە نايزاعاي ويناپ, قاتتى جاڭبىر جاۋادى, ەكپىندى جەل سوعىپ, بۇرشاق جاۋى مۇمكىن. 14-15 مامىردا ەلىمىزدىڭ سولتۇستىگى مەن ورتالىعىندا, 15-16 مامىردا شىعىستا, 16 مامىردا وڭتۇستىكتە جانە وڭتۇستىك-شىعىستا قاتتى جاڭبىر جاۋادى دەپ كۇتىلەدى.
«16 مامىردان باستاپ رەسپۋبليكانىڭ باتىسىندا, سولتۇستىك-باتىسىندا جانە سولتۇستىگىندە جاۋىن-شاشىن توقتاپ, اۋا تەمپەراتۋراسىنىڭ ايتارلىقتاي تومەندەۋى كۇتىلەدى», دەلىنگەن حابارلامادا.
