اقمولا وبلىسى پد كامەلەت جاسىنا تولماعان بالانىڭ قايتىس بولعانىن راستادى. قاۋىپسىزدىك تالاپتارىنا ساي كەلمەيتىن قىزمەت كورسەتۋ دەرەگى بويىنشا قىلمىستىق ءىس قوزعالدى.
- الدىن الا انىقتالعانداي, بالا جالعا العان ۆەلوسيپەدپەن اعاشقا سوعىلعان. سونىڭ سالدارىنان العان دەنە جاراقاتىنان وقيعا ورنىندا كوز جۇمدى, — دەدى ۆەدومستۆودان.
ءبىلىم مەكەمەسىندەگىلەر وقيعانىڭ قالاي بولعانىن ايتىپ بەردى.
10 سىنىپتا وقيتىن 18 وقۋشى 5 مامىردا سىنىپ جەتەكشىسى مەن مەكتەپ مۇعالىمىنىڭ جەتەكشىلىك ەتۋىمەن اتا-انالارى جالداعان اۆتوبۋسپەن بۋرابايعا بارعان. الدىن الا بولجام بويىنشا ولار ۆەلوسيپەد جالعا العان. وقۋشىلاردىڭ ءبىرى ۆەلوسيپەدتى يگەرە الماي, اعاشقا سوعىلعان. سىنىپ جەكتىشىسى دەرەۋ جەدەل جاردەم مەن پوليتسيا شاقىرعان. الايدا العان اۋىر جاراقاتىنان وقۋشى كوز جۇمدى.
مەكتەپ اكىمشىلىگى بۇل ساياحاتتى اتا-انالار كوميتەتى مەن سىنىپ جەتەكشى ۇيىمداستىرعانىن, باسشىلىقپەن كەلىسىلمەگەنىن اتاپ ءوتتى.
وقيعانىڭ ءمان-جايىن پوليتسيا انىقتاپ جاتىر.
