سينوپتيكتەردىڭ بولجامى بويىنشا, ەلىمىزدىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى اۋا رايى قۇبىلمالى بولادى. نايزاعاي ويناپ, جاڭبىر جاۋادى. تۇنگى ۋاقىتتا ەلدىڭ سولتۇستىگىندە جاۋىن-شاشىن (جاڭبىر, قار), وڭتۇستىگىندە, وڭتۇستىك-شىعىسىندا نوسەر جاڭبىر جاۋادى. ەلدىڭ باتىسىندا عانا اۋا رايى جاۋىن-شاشىنسىز بولادى.
رەسپۋبليكا بويىنشا جەل كۇشەيەدى. وڭتۇستىكتە, وڭتۇستىك-شىعىستا داۋىل, وڭتۇستىك-شىعىستا بۇرشاق, سولتۇستىك-باتىستا, سولتۇستىكتە, وڭتۇستىك-باتىستا تۇمان بولادى. تۇندە اقتوبە, قوستاناي وبلىستارىندا 1-6 گرادۋس ۇسىك جۇرەدى.
باتىس قازاقستان وبلىسىنىڭ باتىسىندا, سولتۇستىگىندە 3 گرادۋس ۇسىك جۇرەدى. اتىراۋ وبلىسىنىڭ سولتۇستىگىندە, باتىسىندا, اقمولا وبلىسىنىڭ سولتۇستىگىندە 2 گرادۋس ۇسىك جۇرەدى. سولتۇستىك قازاقستان وبلىسىنىڭ باتىسىندا 3 گرادۋس ۇسىك جۇرەدى.
ماڭعىستاۋ وبلىسىنىڭ باسىم بولىگىندە, اتىراۋ وبلىسىنىڭ باتىسىندا, سولتۇستىگىندە, شىعىسىندا, قاراعاندى وبلىسىنىڭ باتىسىندا, وڭتۇستىگىندە, ورتالىعىندا, ۇلىتاۋ وبلىسىنىڭ شىعىسىندا, ورتالىعىندا, قىزىلوردا وبلىسىنىڭ وڭتۇستىگىندە, ورتالىعىندا اقتوبە, اباي وبلىستارىنىڭ وڭتۇستىگىندە جوعارى ءورت قاۋپى ساقتالادى.
