ۆيزاسىز قاجىلىق جاساۋ كۇنا ما؟

Inbusiness.kz سايتىنىڭ جازۋىنشا, بيىل قاجىلىق ورىندارى كونكۋرس نەگىزىندە 16 تۋروپەراتورعا بولىنگەن.

قاجىلىق جاساۋشىعا قويىلاتىن ەڭ باستى تالاپ - قاجىلىق قۇلشىلىعىن ەشقانداي تۋريستىك ساپارمەن شاتاستىرماي, قاجىلىقتىڭ شاريعي تالاپتارىن ورىنداۋ.

ء«وز كەزەگىندە قمدب قاجىلىقتى ۇيىمداستىرۋدىڭ تەحنيكالىق جاۋاپكەرشىلىگىن بەلگىلى زاڭ تالاپتارى نەگىزىندە وتاندىق تۋروپەراتورلارعا سەنىپ تاپسىرادى. سەبەبى قر ازاماتتارىنىڭ ءتۇرلى ماقساتتا سىرتقا شىعۋى تۋريزم سالاسىنداعى زاڭنامالارمەن رەتتەلەدى جانە ولاردىڭ قۇقىقتارىن قورعاۋ تۋروپەراتورلارعا جۇكتەلەدى», دەلىنگەن مالىمەتتە.

قاجىلىق ماۋسىمىندا تۋروپەراتور قازاقستان ازاماتتارىن سىرتقا شىعۋ ءتۋريزمى سالاسىنداعى قۇقىقتارى نەگىزىندە ساۋد ارابياسى كورولدىگىنىڭ قمدب بولگەن قاجىلىق ورىندارىنا عانا الىپ بارا الادى. قاجىلىق ورىندارىنان تىس ادام اپارۋ – ەكى ەل اراسىنداعى قاجىلىق كەلىسىمشارتىن بۇزعان بولىپ سانالادى.

«كونكۋرستان وتكەن 16 تۋروپەراتور قاجىلاردىڭ قاۋىپسىزدىگىن قاداعالاپ, ولاردى مەككە-مەديناعا اپارىپ-اكەلۋگە, قوناق ءۇي جانە اس-سۋمەن, ترانسپورتپەن قامتاماسىز ەتۋگە جانە ءتيىستى قۇجاتتارىن راسىمدەۋگە مىندەتتەلەدى», دەپ قوستى قمدب وكىلدەرى.

ولار: «حيكمەت ترەۆەل» جشس, «اتلاس تۋريزم» جشس, «قىزمەت ساياحات» جشس, «Tawaf Travel» جشس, «حيدايات-نۋر» جشس, «Nurkhan travel» جشس, «سەمبەكوۆا» جشس, «Sanabl kz» جشس, «Mina travel» جشس, «ال-مارۋا» جشس, «ورداباسى – نج» جشس, «Robinzon kz» جشس, «Delta Tour» جشس, «يمان Travel تۋر» جشس, «Dostik travel» جشس, «Qazaq Sapar» جشس.

ايتا كەتسەك, بيىل ەلىمىزدەن 5 081 مىڭ ادام ۇلكەن قاجىلىققا بارادى.