قارىم-قاتىناس ءتىلىن الدىن الا تاڭداۋدىڭ قاجەتى جوق. «ياندەكس» ءتىپتى ورىس جانە قازاق تىلدەرىن ارالاستىرىپ ايتسا دا تۇسىنەدى. ول ءۇشىن تەك قولدانبانىڭ ىزدەۋ جولاعىنداعى ميكروفون بەلگىشەسىن باسۋ كەرەك. دىبىستىق سۇراۋلاردى تانۋ ءۇشىن «ياندەكس» قازاق تىلىنە بەيىمدەلگەن «SpeechKit» تەحنولوگياسىن قولدانادى. ياعني داۋىس ماتىنگە اۋدارىلادى, سودان كەيىن ىزدەۋگە جىبەرىلەدى. ناتيجەسىندە, قولدانۋشى سۇراقتى قولمەن جازعانداي جاۋاپ الادى. قازاق تىلىندەگى سۇراۋ سالۋلار بويىنشا قولدانۋشىلار مەملەكەتتىك تىلدەگى دەرەكتەردى عانا ەمەس, سونىمەن قاتار اعىلشىن, ورىس تىلىندەگى اقپاراتتاردىڭ دا اۋدارىلعان نۇسقاسىن كورەدى.
ء«بىز قازاق تىلىندەگى ىزدەۋ جۇمىستارىن جوسپارلى تۇردە جاساپ, ءالى دە دامىتا تۇسەمىز. بۇل مۇمكىندىك جەلى قولدانۋشىلارىنا ىڭعايلى جانە قازاق ءتىلىنىڭ دامۋىنا ىقپال ەتەدى», دەيدى قازاقستانداعى قوسىمشانىڭ اعا مەنەدجەرى الماز سادەنوۆ.
ستاتيستيكاعا سۇيەنسەك, ەلىمىزدە ناۋرىز ايىندا 12 ملن-نان استام ادام «ياندەكس» قوسىمشاسىن قولدانعان. بۇدان بىلاي ونىڭ قازاقشا جازىپ, قازاقشا تۇسىنەتىنى – جاقسى جاڭالىق. بىراق ماسەلە – ونىڭ قالاي سويلەيتىنىندە. ەگەر جەلى قولدانۋشىلارى مەملەكەتتىك تىلدە كوبىرەك ءارى ساپالى سۇراقتار قويسا, قوسىمشانىڭ دا قازاقشاسى دامي تۇسپەك.
