فوتو: zhetysu.gov.kz
سوت وتىرىسىندا پروكۋرور سوتتالۋشى تالدىقورعان پوليتسياسىنىڭ بۇرىنعى باستىعى مارات كۇشتىباەۆتى 12 جىلعا باس بوستاندىعىنان ايىرۋدى سۇرادى.
2024 جىلدىڭ اقپان ايىندا تالدىقورعان قالالىق ءىىب-ءنىڭ بۇرىنعى باستىعى مارات كۇشتىباەۆقا قاتىستى قىلمىستىق ءىس سوتقا جىبەرىلگەن ەدى. سوت وتىرىستارى جابىق ەسىك جاعدايىندا ءوتتى. اتالعان ءىس قىلمىستىق كودەكستىڭ 120-بابىنىڭ 2-بولىگى, 5-تارماعى (ادامنىڭ قىزمەتتىك مىندەتتەرىن اتقارۋ كەزىندە جاساعان زورلاۋ) بويىنشا قارالدى.
ەستەرىڭىزگە سالا كەتەيىك, 2023 جىلدىڭ قاراشاسىندا تالدىقورعان پوليتسياسىنىڭ باستىعى 27 جاستاعى ايەلدى زورلادى دەگەن كۇدىكپەن ۇستالعان ەدى. كەيىن جابىرلەنۋشىنىڭ ادۆوكاتى وقيعانىڭ ءمان-جايىن ايتىپ بەردى. ونىڭ ايتۋىنشا, 2023 جىلدىڭ 12 قاراشاسىندا ىشكى ىستەر بولىمىنە قوعامدىق ءتارتىپتى بۇزدى دەگەن ايىپپەن تالدىقورعاندىق ايەل جەتكىزىلگەن.
