سۋرەتتەردە: 1.ماكەن يمانوۆا. 2.ق.ساتباەۆ مۋزەي-ءۇيىنىڭ مەڭگەرۋشىسى احمەديا جۇماباەۆ امانگەلدى يمانوۆتىڭ قىزى ماكەن يمانوۆانى مۋزەيدە قارسى الىپ تۇر. 1969 جىل. 11 ءساۋىر.
قانىش ساتباەۆ الماتىعا قونىس اۋدارعان سوڭ بۇل ۇيدە مەكتەپتىڭ قاراپايىم مۇعالىمى احمەديا جۇماباەۆ دەگەن كىسى تۇرىپتى.
اكادەميكتىڭ قارساقبايداعى مۋزەي-ءۇيىنىڭ اشىلۋىنا بار ىنتا-جىگەرىن جۇمساعان وسى – احمەديا جۇماباەۆ. ول 1905 جىلى جامبىل وبلىسى, بايقادام اۋىلىندا دۇنيەگە كەلگەن. 1928-1932 جىلدارى اباي اتىنداعى مەملەكەتتىك پەداگوگيكالىق جانە مۇعالىمدەر ينستيتۋتىندا جوعارى ءبىلىم العان. 1960 جىلى قارساقبايداعى №1 ورتا مەكتەپكە حيميا, بيولوگيا ءپانىنىڭ مۇعالىمى بولىپ ورنالاسقان. 1978 جىلى ومىردەن وتكەن.
ول باياناۋىلعا, الماتىعا, تومسكىگە ارنايى بارىپ, عالىمعا قاتىستى جادىگەرلەردى جيناقتايدى. ءسويتىپ, 1969 جىلعى 11 ساۋىردە قارساقبايدا قانىش ساتباەۆتىڭ مۋزەيى اشىلادى. بۇل ەلىمىزدەگى قانەكەڭە ارنالعان العاشقى مۋزەي ەدى. ا.جۇماباەۆ مۋزەي اشىلعاننان باستاپ ءومىرىنىڭ سوڭىنا دەيىن مەڭگەرۋشى, قور ساقتاۋشى ,كۇزەتشى, باعبان ءارى ەكسكۋرسوۆود قىزمەتتەرىن ءبىر ءوزى اتقارعان.
مۋزەيدىڭ اشىلۋ سالتاناتىنا ۇلت-ازاتتىق كوتەرىلىسىنىڭ باتىرى امانگەلدى يمانوۆتىڭ قىزى ماكەن يمانوۆا قۇرمەتتى قوناق رەتىندە شاقىرىلعان ەكەن.
بيىل ۇيىمداستىرىلعانىنا 55 جىل تولعان مۋزەيدە ەلىمىزگە تانىمال كوپتەگەن تۇلعا قوناق بولعان, «قۇرمەتتى قوناقتار» كىتابىنا قولتاڭبالارىن قالدىرعان. قازاق ءوندىرىسىنىڭ قاراشاڭىراعى قارساقبايعا جولى تۇسكەندەردىڭ ەشقايسىسى دا قانەكەڭنىڭ تابانىنىڭ ءىزى قالعان مۋزەي-ۇيىنە سوقپاي كەتپەيدى.
ۇلىتاۋ وبلىسى,
قارساقباي كەنتى
