وتكەن عاسىردىڭ ەلۋىنشى جىلدارى قۇرىلىپ بۇگىنگى كۇنگە دەيىن ەلىمىزدىڭ مادەني-الەۋمەتتىك دامۋىنا ەلەۋلى ۇلەس قوسىپ كەلە جاتقان ءوڭىرىمىزدىڭ بىرەگەي ونەر-ءبىلىم ورداسى - پاۆلودار مۋزىكالىق كەشەنى. كەشەن دەپ اتى ايتىپ تۇرعانداي بۇل وقۋ ورنىنىڭ قۇرامىنا دارىندى بالالارعا ارنالعان مەكتەپ-ينتەرنات, كوللەدج, بازالىق تاجىريبەگە ارنالعان بالالار مۋزىكالىق مەكتەبى, قازاقستاننىڭ حالىق ءارتىسى شاحيماردان ءابىلوۆ ۆوكالدىق مەكتەبى كىرەدى.
كەشەگى مەن بۇگىنگى كۇندى بايلانىستىرۋشى, عاسىرلار توعىسىندا وزىندىك مازمۇندى عۇمىر كەشىپ جاتقان بۇل التىن ۇيا, اسىل مەكەن 3000 استام تۇلەككە قانات ءبىتىرىپ, ونەر دەگەن عاجايىپ الەمگە جولداما بەردى. تاريحىن كەڭەس زامانىنان باستاپ ەگەمەن ەلىمىزبەن بىرگە ەركىن جاساپ كەلە جاتقان قارا شاڭىراق تاعى دا ءبىر جاسقا ەسەيدى. وسى جاسقا جەتكەنگە دەيىن دە ەرەن تابىستارىمىزبەن ەرەكشەلەنەتىن ەڭسەلى ورداعا اينالىپ ۇلگەردى.
گالا-كونتسەرت بىرنەشە بولىمنەن تۇردى. حالىق اسپاپتارى جانە كلاسسيكالىق مۋزىكا ورىندالىپ, ۇرلەمەلى - ۇرمالى اسپاپتار مەن دجاز شىرقالدى. سونداي-اق ەسترادالىق-سيمفونيا مەن حورلار, ۇلتتىق فولكلور جانە ۆوكالدىق شىعارمالارى تىڭدارماندارعا جوعارى كوڭىل كۇي سىيلادى.
كونتسەرتتىك باعدارلامادا كەشەننىڭ بارلىق شىعارماشىلىق ءىرى ۇجىمدارى ونەر كورسەتەتىن بولادى. ونىڭ ىشىندە 200 - ادامدىق حور ۇجىمدارى, جاڭادان قۇرىلعان ەسترادالىق-سيمفونيالىق وركەستر, قازاق جانە ورىس حالىق اسپاپتارى وركەسترى, دجاز جانە ۇرلەمەلى اسپاپتار وركەسترلەرى, كامەرالىق جانە فولكلورلىق انسامبلدەر, سول سياقتى جەكە ورىنداۋشىلار ءوز ونەرلەرىن ورتاعا سالدى.
ارنايى وسى مەرەكەگە ايگىلى جەرلەسىمىز يسا بايزاقوۆتىڭ «جەلدىرمە» ءانىنىڭ تاقىرىبىنا جازىلعان فانتازيانى جاڭادان قۇرىلعان ستۋدەنتتىك ەسترادالىق-سيمفونيالىق وركەسترى ورىندادى.
شىعارمانىڭ اۆتورى كەشەنىمىزدىڭ بىلىكتى ۇستازى, كومپوزيتور ماكسيم حلەبوۆ. جاڭا ۇجىمنىڭ جەتەكشىسى ءارى جاس ديريجەرى ديانا مۋكاتوۆا دا العاشقى رەت كونتسەرتىمىزدە ونەر كورسەتتى. سونىمەن قاتار, ەلىمىزگە جانە وڭىرىمىزگە تانىمال بەلگىلى مادەنيەت سالاسىنىڭ قايراتكەرلەرى ۆيكتور دەنيسەنكو, تالعات كاريموۆ, ۆلاديمير شلەگەل, ۆيكتور شەيكين, مادينا نۋرگوجينوۆا, يانا كاسيان, گۋلنافيس ماكيشباەۆا, دامير سۋلتانوۆ, مارگو كولايان, ساۋلە مۋسيپوۆا, جاسقايرات ورىنباەۆ, مادي بوتاگۋزوۆتار قاتارىندا جاس مامان, مۋزىكانتتار ءمادي تۋلەۆ, اليجان كازبەكوۆ, سارا سادىگۋلوۆا, ايبار اشكەەۆ, الماس مۇقاتاي, مەيىرمان بايبۋسىنوۆ, جانسايا كابىشەۆا, ۇعىبايدوللا ءمۇفتان, انەل شەۆچۋك سەكىلدى جاس ۇستازدار ساحنا تورىندە ءوز ونەرلەرىن ورتاعا سالدى.
كونتسەرتتىك باعادارلاماعا ەنگەن بارلىق شىعارمالار ستۋدەنتتىك مۋزىكالىق ۇجىمداردىڭ ورىنداۋىندا جانە جەكە سوليستەر رەسپۋبليكالىق, حالىقارالىق كونكۋرستاردىڭ لاۋرەاتتارى: جاسۇلان تورەگەلدى, ديلناز جانكۋشكوۆا, امينا گابدۋللينا, قارشىعا ارۋجان, شۇعىلا سەيتاحمەت, ماحامبەت رامازان, دايانا قابيدوللا, الەكساندرا تاراسەنكو, اديل الەنوۆ سياقتى جاس ونەرپازداردىڭ قاتىسۋمەن بولدى.
گالا-كونتسەرت كەشەننىڭ گيمنى ۇستازىمىز, قازاقستان رەسپۋبليكاسى مادەنيەت سالاسىنىڭ ۇزدىگى مادينا نۋرگوجينوۆانىڭ اۆتورلىق شىعارماسى «مەكەنىم» انىمەن اياقتالدى. ءاندى ەسترادالىق سيمفونيالىق وركەسترگە وڭدەگەن ۇستاز, كومپوزيتور ماكسيم حلەبوۆ.
مۋزىكالىق كەشەننىڭ اكىمشىلىگى مەن پەداگوگيكالىق ۇجىمى وسى گالا-كونتسەرتتى ۇيىمداستىرۋدا قولداۋ كورسەتىپ كومەك قولىن سوزعان پاۆلودار وبلىستىق ءبىلىم بەرۋ باسقارماسىنا, پاۆلودار قالاسىنىڭ مادەنيەت جانە تىلدەردى دامىتۋ ءبولىمى جانە ەستاي اتىنداعى قالالىق مادەنيەت سارايىنىڭ اكىمشىلىگى مەن ۇجىمىنا, وبلىستىق يسا بايزاقوۆ اتىنداعى فيلارمونياسىنىڭ اكىمشىلىگى مەن ۇجىمىنا, بەلگىلى كاسىپكەر, فوتو-سۋرەتشى الەكساندر پارحومەنكوعا زور العىسىن بىلدىرەدى.
