فوتو: quantpro.ru
ويىن بيزنەسىنە قاتىستى زاڭ جوباسىن تالقىلاۋ بارىسىندا ءماجىلىس دەپۋتاتى يرينا سميرنوۆا بيلىك TikTok جەلىسىندە قۇمار ويىنداردىڭ زاڭسىز ونلاين ترانسلياتسياسى ماسەلەسىن قالاي شەشىپ جاتقانىن سۇرادى.
مادەنيەت جانە اقپارات ۆيتسە-ءمينيسترى قانات ىسقاقوۆ ۆەدومستۆو بۇل ماسەلەنى شەشۋگە كىرىسىپ كەتكەنىن ايتتى. مينيسترلىك TikTok كومپانياسىمەن تاعىز بايلانىس ورناتقان.
ء«بىزدىڭ ازاماتتار, وكىنىشكە قاراي, اقشانى وڭاي تاباتىن الگوريتمدەرگە ءجيى ءتۇسىپ جاتادى. ونداي سىلتەمەلەر كۇن سايىن جاسالادى, ءبىز ءبىر كۇن ىشىندە شامامەن 150 سىلتەمەنى جويامىز. سونداي-اق زاڭسىز كونتەنتتىڭ باسىم بولىگى شەتەلدە جاسالاتىنىن ەسكەرۋ قاجەت, وسىنداي زاڭسىزدىققا باراتىن الاياقتاردى قولعا ءتۇسىرۋ وتە قيىن», دەدى قانات ىسقاقوۆ.
ال ۇلتتىق قاۋىپسىزدىك كوميتەتى توراعاسىنىڭ ورىنباسارى ەرلان الداجۇمانوۆ زاڭسىز ويىن بيزنەسىن تىكەلەي ەفيردە كورسەتەتىن ينتەرنەت-رەسۋرستار ۇنەمى باقىلاناتىنىن ايتتى.
«كوميتەتتىڭ تەحنيكالىق مۇمكىندىكتەرى اتالعان رەسۋرستاردى بۇعاتتاۋ, جابۋ ءۇشىن پايدالانىپ جاتىر», دەدى ەرلان الداجۇمانوۆ.
ءماجىلىس دەپۋتاتى ەلنۇر بەيسەنباەۆ الەۋمەتتىك جەلىدە زاڭسىز ويىن بيزنەسىن ۇيىمداستىراتىن TikTok قولدانۋشىلارىنىڭ پاراقشالارىن بۇعاتتاپ, باس بوستاندىعىن شەكتەپ, ءىرى مولشەردە ايىپپۇل سالۋدى ۇسىندى.
