فوتو: سەناتتىڭ ءباسپاسوز قىزمەتى
سەنات توراعاسى فارحان احماد نيزاميگە قازاقستان عالىمدارمەن بەلسەندى قارىم-قاتىناسى ءۇشىن العىس ايتىپ, بۇل قازىرگى زاماننىڭ جاھاندىق ماسەلەلەرىن شەشۋ ءۇشىن ەكى ەلدىڭ عىلىمي قاۋىمداستىعىن بىرىكتىرۋدەگى ماڭىزدى قادام ەكەنىن اتاپ ءوتتى.
ول قازاقستاننىڭ وكسفورد يسلامتانۋ ورتالىعىمەن ىنتىماقتاستىق ورناتۋعا مۇددەلى ەكەنىن جەتكىزدى.
«قازاقستاندا ءوتىپ جاتقان الەمدىك جانە ءداستۇرلى دىندەر كوشباسشىلارىنىڭ سەزى جيىرما جىل ىشىندە مادەنيەتتەر مەن وركەنيەتتەر اراسىنداعى ديالوگتى ىلگەرىتەتىن بەدەلدى جانە مويىندالعان حالىقارالىق الاڭعا اينالدى. وتكەن جىلى ءبىز الداعى ونجىلدىققا ارنالعان كونگرەسستى دامىتۋ تۇجىرىمداماسىن قابىلدادىق. ءبىزدىڭ جۇمىسىمىز كليماتتىڭ وزگەرۋى, تەڭسىزدىك, ەكسترەميزم جانە سوعىستى قوسا العاندا, قازىرگى الەم الدىندا تۇرعان ەڭ وزەكتى ماسەلەلەردى شەشۋگە كومەكتەسۋ ءۇشىن ءدىني جەتەكشىلەر, ساياساتكەرلەر جانە حالىقارالىق ۇيىمدار اراسىنداعى ىنتىماقتاستىقتى نىعايتۋعا باعىتتالعان. وسى ورايدا ءبىز رۋحاني ديپلوماتيانىڭ ۇلكەن الەۋەتىن كورىپ وتىرمىز, سوندىقتان ءبىز بۇل ورتالىقپەن وسى باعىتتا ودان ءارى ىنتىماقتاستىق ورناتۋعا مۇددەلىمىز», دەدى ماۋلەن اشىمباەۆ.
فارحان احماد نيزامي ماۋلەن اشىمباەۆقا العىس ءبىلدىرىپ, ەكى ەل اراسىنداعى بايلانىستى ودان ءارى نىعايتۋ مەن عىلىمي-زەرتتەۋ ىنتىماقتاستىعىن نىعايتۋعا نيەتتى ەكەنىن ءبىلدىردى.
قىرمىزى جۇماعاليقىزى,
ەۇۋ ستۋدەنتى
