فوتو:مەملەكەتتىك كىرىستەر كوميتەتى
وسى جىلدىڭ اقپان ايىندا اتىراۋ-كۋتايسي باعىتىندا حالىقارالىق رەيسكە وتىرعىزۋ كەزىندە گرۋزيا ازاماتىنان 100 مىڭ دوللار (45 ملن 7 مىڭ 820 تەڭگە) كولەمىندە قولما-قول اقشا تابىلعانى حابارلاندى.
«وزگە ەل ازاماتىنىڭ قول جۇگىندە 10 مىڭ دوللار بولسا, قالعان 90 مىڭ دوللار باگاجىندا جاسىرىلعان. «اۋەجاي-اتىراۋ» كەدەن بەكەتىنىڭ قىزمەتكەرلەرى اتىراۋ وبلىسى بويىنشا شەكارا قىزمەتى جانە ەكونوميكالىق تەرگەۋ باسقارمالارىنىڭ قىزمەتكەرلەرىمەن بىرلەسىپ, باقىلاۋ جۇرگىزۋ بارىسىندا قۇقىق بۇزۋشىنىڭ باگاجىنان جاسىرىن اقشانى تاركىلەدى», دەپ مالىمدەدى مەملەكەتتىك كىرىستەر كوميتەتى.
ەندى ءتارتىپ بۇزۋشى اكىمشىلىك جاۋاپكەرشىلىككە تارتىلىپ, 40 اەك كولەمىندە اكىمشىلىك ايىپپۇل تولەيدى. شەتەل ازاماتىنان 90 مىڭ دوللار مەملەكەت پايدانىسىنا تاركىلەنىپ, قالعان 10 مىڭ دوللار گرۋزيا ازاماتىنا قايتارىلدى.
قىرمىزى جۇماعاليقىزى,
ەۇۋ ستۋدەنتى
