فوتو: تجم
جايىق سۋىنىڭ قاۋىپتى كولەمى - 8,5 مەتر. قازىر وزەندەگى سۋ مولشەرى 8 مەترگە جۋىقتاعان. رەسەيدەن 2-3 كۇندە كەلۋى ىقتيمال تاسقىن سۋدى ەسەپكە الساق ورال قالاسىن سۋ باسۋ قاۋپى ساقتالادى. سوندىقتان اكىمدىك وكىلدەرى كۋرەني, ستاريتسا, كومينتەرن اۋداندارىنىڭ تۇرعىندارى كوشۋى قاجەت ەكەنىن ەسكەرتتى.
«سۋدىڭ مول كولەمى كەز كەلگەن ۋاقىتتا جەتىپ, ءۇيىڭىزدى سۋ باسۋى مۇمكىن. ءوزىڭىزدىڭ جانە جاقىن ادامدارىڭىزدىڭ ءومىرىن قاۋىپكە تىكپەي, شۇعىل تۇردە تۋما-تۋىس, دوستارىڭىزدىڭ ۇيىنە ورنالاسىڭىزدار. ۋاقىتشا باراتىن ءۇي بولماسا, قالادا ەۆاكۋاتسيالىق پۋنكتتەر جاساقتالعان. ولار تۇرعىنداردى كۇنى-ءتۇنى ۇزدىكسىز قابىلدايدى. سۇراقتار بويىنشا قالالىق شتابقا 8-711-2-24-05-70 جانە 24-01-94 تەلەفون نومىرلەرى ارقىلى حابارلاسۋعا بولادى. ەۆاكۋاتسيانى قازىردەن باستاڭىز», دەپ حابارلادى اكىمدىكتەگىلەر.
