«بوگەتتەر نىعايتىلماعان, جاعالاۋدىڭ كەيبىر تۇسىندا مۇلدەم الىنىپ تاستالعان. سۋدان قورعاۋ ايماعىنان اۋىل شارۋاشىلىعىنىڭ قاجەتتىلىگى ءۇشىن جەر تەلىمدەرى بەرىلگەن. وزەن ارنالارى تازارتىلمادى. بۇل جۇمىستاردىڭ بارلىعىن وڭىرگە تاسقىن سۋ كەلگەنگە دەيىن اتقارۋىمىز كەرەك ەدى», دەدى سەرىك شاپكەنوۆ.
ونىڭ پىكىرىنشە, تابيعي سيپاتتاعى توتەنشە جاعداي رەجيمىن جاريالاۋدىڭ بىرنەشە ماقساتى بار. بىرىنشىدەن, سۋ تاسقىنىنا ءتيىمدى دايىندىقتى ۇيىمداستىرۋ. ەكىنشىدەن, قاجەتتى تەحنيكا مەن جابدىقتار تارتۋ, ۇشىنشىدەن عىلىمي زەرتتەۋلەر جۇرگىزۋ, وڭىردەگى وزەن جاعالاۋلارىن نىعايتۋ ماقساتىندا جاريالانعان.
«ەگەر سۋ تاسقىنىنان وبلىس تۇرعىندارىنىڭ ومىرىنە ناقتى قاۋىپ تونەر بولسا, ءبىز بۇل تۋرالى الدىن الا حابارلايمىز», دەپ ءمالىم ەتتى سەرىك شاپكەنوۆ.
