قۇرىلعى وقۋ ورنى عالىمدارى ىسكە اسىرىپ جاتقان «ينجەنەرلىك-تەحنيكالىق سالالاردا STEAM ءبىلىم بەرۋ نەگىزىندە ستۋدەنتتەردى اعىلشىن تىلىندە دايارلاۋ ۇدەرىسىن دامىتۋ» گرانتتىق جوبا اياسىندا ازىرلەندى. عالىمدار جاساپ شىعارعان بۇل تەلەسكوپتىڭ جۇمىس ىستەۋ قاعيداتى مەن قۇرىلىسىنا سايكەس بولشەكتەرى تولىق 3D-پرينتەرلەردە باسىپ شىعارىلدى. ونەرتاپقىشتار جاڭا قۇرىلعىنى ستۋدەنتتەرمەن بىرگە تەكسەرۋدەن وتكىزىپ كوردى. ناتيجەسىندە, ايدىڭ انىق كەسكىنى مەن بىزگە كورىنەتىن بولىگىندەگى قارا داقتار سۋرەتكە ءتۇسىرىلدى. زەرتتەۋ توبى قۇرامىندا: جوبا جەتەكشىسى – فيزيكا كافەدراسىنىڭ قاۋىمداستىرىلعان پروفەسسورى, PhD شەرزود رامانكۇلوۆ, PhD باقىتجان كۇربانبەكوۆ, ماگيستر وقىتۋشىلار سەرىك پولات ۇلى, نۇرقوجا جاقسىلىق, دوكتورانت قاجىمۇقان كەلەسباەۆ, ماگيسترانت ياحيو كارىمجانوۆ سىندى عالىمدار بار.
– بۇل قۇرىلعى نەگىزىنەن جاس عالىمدارعا تەلەسكوپتىڭ قۇرىلىسى مەن جۇمىس ىستەۋ قاعيداتتارىن, قانداي نەگىزگى بولشەكتەردەن تۇراتىنىن تۇسىندىرۋگە ارنالعان. ءبىز سونىمەن قاتار فيزيكانىڭ قۇبىلىستارى مەن زاڭدارىن تۇسىندىرۋگە باعىتتالعان STEM ونىمدەردى, زەرتحانالىق ستەندتەردى دە ازىرلەپ جاتىرمىز. مۇنداعى باستى ماقساتىمىز – ستۋدەنتتەردىڭ ينجەنەرلىك قابىلەتتەرىن دامىتۋ. ءبىلىمدى عىلىممەن, وندىرىسپەن ۇشتاستىرۋدا وتاندىق عالىمداردىڭ قولداۋى ءبىز ءۇشىن ماڭىزدى, – دەيدى جوبا جەتەكشىسى قاجىمۇقان كەلەسباەۆ
جوبا بارىسىندا الىنعان ناتيجەلەر ءبىلىم بەرۋ جۇيەلەرىندەگى, سونداي-اق الەمدىك دەڭگەيدەگى وزگە دە وزەكتى ماسەلەلەردىڭ شەشىمىن ىزدەۋگە مۇمكىندىك بەرەدى.
