وسى جىلدىڭ 27-28 ناۋرىزىندا ءا.تاجىباەۆ اتىنداعى قىزىلوردا وبلىستىق امبەباپ عىلىمي كىتاپحاناسىندا قازاقستان رەسپۋبليكاسى مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. شاراعا ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – ءدىنتانۋ مامانى مىرزاەۆ بالعابەك ابدىقايىم ۇلى جانە تالدىباەۆ تولەگەن ومىرزاق ۇلى ءدارىس وقىدى.
بالعابەك ابدىقايىم ۇلى ء«دىن مەن ءداستۇر قۇندىلىقتارىنىڭ قوعام تۇتاستىعىنداعى ورنى» تاقىرىبى اياسىندا تىڭداۋشىلارعا ءدىني سانانىڭ ەرەكشەلىكتەرىن, دىندارلىقتىڭ قۇرىلىمىن, جەكە تۇلعانىڭ جانە قوعامنىڭ ءدىني دامۋ ايىرماشىلىقتارىن ءتۇسىندىردى. سونداي-اق ء«دىني سەنىم بوستاندىعىنىڭ قۇقىقتىق اسپەكتىلەرى مەن نەگىزى باعىتتارى تۋرالى» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى.
تولەگەن ومىرزاق ۇلى «الەۋمەتتىك جەلىدە ءتۇسىندىرۋ جۇمىستارىن جۇرگىزۋدىڭ ماڭىزدىلىعى» تاقىرىبىمەن قاتىسۋشىلارعا قازىرگى عالامتور ارقىلى جاس وركەننىڭ بويىنا تاربيەلىك ءمانى زور دۇنيەلەردى سىڭىرە ءبىلۋ مۇمكىندىگىن قامتاماسىز ەتۋ, قازىرگى ۋاقىتتا جاماعاتپەن بايلانىستى الەۋمەتتىك جەلى ارقىلى ورناتۋدىڭ ماڭىزدىلىعى ءتۇسىندىرىلدى. سونداي-اق «الەۋمەتتىك جەلىنىڭ الگوريتمدەرىن مەڭگەرۋ جانە ءتيىمدى ءتۇسىندىرۋ جۇمىستارىن جۇرگىزۋ» تاقىرىبىندا قاتىسۋشىلارعا الەۋمەتتىك جەلىدە جەرگىلىكتى پاراقشانى جۇرگىزۋ ادىستەرىن ۇيرەتتى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.
