اجالعا اراشا ءتۇستى

بازبىرەۋلەر بولسا «بالكىم ۇيىقتاپ جاتقان شىعار» دەپ ۇزىن ارقان, كەڭ تۇساۋعا سالار ەدى. ادامداردىڭ تاعدىرىنا ەشقاشان بەيجاي قارامايتىن اعا لەيتەنانت كومەك قولىن سوزۋعا اسىقتى. ىلە جەتكەن. ءبىرىنشى قاباتتا جالعىزباستى زەينەتكەر تۇرادى ەكەن. شامالى ۋاقىت مىقتاپ جابىلعان ەسىگىن قاعىپ كوردى. تىرس ەتكەن دىبىس جوق. مازاسىزدانعان تۋىستارى جەدەل جاردەم شاقىرىپ جاتىر. ايتسە دە, ءىستىڭ بايىبىنا كوز جەتكىزبەي تاعى بولمايدى. مۇندايدا ۋاقىتتىڭ جىلدام جۇرەتىنى بار. اعا لەيتەنانت كوپ ويلانىپ تۇرماستان ءبىرىنشى قاباتتاعى پاتەردىڭ تەرەزەنى ج ۇلىپ الىپ, ىشكە ەندى. قاۋساپ تۇرعان تەرەزەدەن ادام ءومىرى قىمبات ەمەس پە؟! باس امان بولسا, كەيىن جوندەلە جاتار. ءدال وسى ۋاقىتتا سۋىت حابار تۇسكەن جەدەل جاردەم بريگاداسى دا جەتىپ ۇلگەردى. رۋسلان كراۆتسۋنوۆ ۇيگە ەنگەن سوڭ ءۇي يەسىن بىردەن تاپقان. ەس-ءتۇسسىز, س ۇلىق جاتىر ەكەن. ايتسە دە جۇرەگى سوعادى.

ىلە سىرقات اۋرۋحاناعا جەتكى­زىلدى. العاشقى دياگنوز – ينسۋلت. دارىگەرلىك كومەك ۋاقىتىندا كور­سەتىلگەننەن كەيىن كورەر جارىعى بار قاريا انىق اجالدان امان قال­دى. وندا دا, ءوز مىندەتىنە جو­عارى جاۋاپكەرشىلىكپەن قاراي­تىن پوليتسيا قىزمەتكەرىنىڭ ار­قا­سىندا. ايتپاقشى, بۇل رۋسلان­نىڭ جاناشىرلىق جاساعان جال­عىز وقيعاسى ەمەس, وسىدان بىر­نە­شە اي بۇرىن تاعى وسىنداي ءبىر وقيعا بولدى. ول جولى پولي­تسيا قىزمەتكەرىنە پاتەرگە ءۇشىن­شى قاباتتاعى بالكون ارقىلى كىرۋ­گە تۋرا كەلگەن. سويتسە, اجەي اۋىر حالدە, ەس-ءتۇسسىز جاتىر ەكەن. جانا­شىر جاننىڭ ءابجىل قيمىلىنىڭ ارقاسىندا تاتار ءدامى تاۋسىلماي امان قالدى. باسىنا كۇن تۇسكەندە ناق ءبىر پەرىشتەدەي تازا كوڭىلمەن قاسىنان تابىلاتىن جاناشىر جانداردىڭ كومەگى قانداي كەرەمەت.

اقمولا وبلىسى,

اتباسار اۋدانى