فوتو: قۇب ءباسپاسوز قىزمەتى
بانكتىڭ ءباسپاسوز قىزمەتى بۇگىن, 28 ناۋرىزدا حابارلاعانداي, EURO-2024 كوللەكتسيالىق مونەتالارى گەرمانيانىڭ MDM نۋميزماتيكالىق كومپانياسىمەن ارىپتەستىك نەگىزدە دايىندالدى.
«مونەتاداعى فۋتبول دوبى جەر شارىن بەينەلەيدى. دوپتا چەمپيونات ماتچتارى وتەتىن قالالار بەلگىلەنگەن گەرمانيا كارتاسىنىڭ كونتۋرى بەينەلەنگەن. دوپتىڭ سىرتىندا ءتۋرنيردىڭ فينالدىق بولىگىندەگى كوماندالاردىڭ سانىن بىلدىرەتىن 24 جۇلدىز بار», دەلىنگەن حابارلامادا.
مونەتالار كۇمىستەن دايىندالعان, سىناماسى – 925/1000. مونەتا ماسساسى – 20 گرامم, ديامەترى – 32 مم, دايىنداۋ ساپاسى – proof جانە anti-proof. مونەتانىڭ نومينالى – 100 تەڭگە, جالپى تارالىمى – 2 500 دانا. قازاقستاننىڭ ىشكى نارىعى ءۇشىن مونەتا تارالىمى – 1 500 دانا, سىرتقى نارىق ءۇشىن (جوبا سەرىكتەسى – MDM نۋميزماتيكالىق كومپانياسى) – 1 000 دانا.
ايتا كەتەيىك, ەۋرو-2024 گەرمانيادا 14 ماۋسىم مەن 14 شىلدە ارالىعىندا وتەدى. وتكەن جولى 2020 جىلعى فۋتبولدان ەۋروپا چەمپيوناتى ەۋروپانىڭ ءارتۇرلى ەلدەرىندە ءوتتى. يتاليا قۇراماسى فينالدا انگليا قۇراماسىن پەنالتي سەرياسىندا جەڭىپ, چەمپيون اتاندى.
