فوتو: kursiv.media
ايىپتاۋشىلاردىڭ ايتۋىنشا, 2023 جىلدىڭ جاز مەزگىلىندە بيشىمباەۆ نۇكەنوۆاعا الماتىدا تۇرۋعا ۇسىنىس جاساعان. ال سالتانات كۇيەۋى وعان دەگەن سەزىمىن وزگەرتەدى دەگەن ۇمىتپەن ۇسىنىسقا كەلىسكەن.
«سالتانات تۇرعىلىقتى جەردىڭ وزگەرۋى بيشىمباەۆتىڭ وعان دەگەن كوزقاراسىن وزگەرتەدى, سونىمەن قاتار فيزيكالىق جانە پسيحولوگيالىق كۇيزەلىسكە ۇشىراتۋىن توقتاتادى دەگەن ۇمىتپەن كوشۋگە كەلىسەدى. الايدا, بيشىمباەۆ ءوزىنىڭ قىلمىستىق ارەكەتتەرىن الماتىدا دا جالعاستىرعان. 2023 جىلدىڭ تامىز ايىندا نۇكەنوۆا بيشىمباەۆتىڭ جۇيەلى تۇردە ۇرىپ-سوعۋىنا شىداي الماي پاۆلودارداعى اتا-اناسىنىڭ ۇيىنە بارادى. الايدا بيشىمباەۆ كەشىرىم سۇراپ, سالتاناتتى قايتىپ كەلۋگە كوندىرەدى. وسىدان كەيىن نۇكەنوۆا بيشىمباەۆتى تاستاپ كەتۋگە بىرنەشە رەت ارەكەتتەنگەن, بىراق بيشىمباەۆ ءوزىنىڭ وزگەرەتىنە ۋادە بەرە وتىرىپ, ونى قايتارىپ الاتىن», دەدى پروكۋرور.
ايتا كەتەيىك, سوت پروتسەسى ونلاين رەجيمدە جوعارعى سوتتىڭ الەۋمەتتىك جەلىدەگى پاراقشاسىنان كورسەتىلىپ جاتىر.
