Qazaq air اۋەكومپانياسىنا تيەسىلى ۇشاقپەن تۇركىستاننان اتتانعان 80-گە جۋىق ساياحاتشىنى سامارقاندىقتار ەرەكشە سالتاناتپەن قارسى الدى.
رەيستەر زاماناۋي, جايلى De-Havilland Dash 8-Q400 اۋە لاينەرلەرىمەن اپتاسىنا 2 رەت, جۇما جانە جەكسەنبى كۇندەرى ورىندالادى. تۇركىستان قالاسىنان جەرگىلىكتى ۋاقىت بويىنشا 20:20-دا, ال سامارقاننان 21:20-دا ۇشادى.
«بىرەگەي تۋريستىك رەسۋرستارعا يە ورتالىق ازيا ءوڭىرى تۋريزم سالاسىن قارقىندى دامىتىپ كەلەدى. بۇل تۇرعىدا ەكى ەل اراسىندا تاجىريبە الماسۋ, تۋريزم باعىتىندا بىرلەسكەن جوبالاردى جۇزەگە اسىرۋ جوسپارلانىپ وتىر», - دەلىنگەن تۇركىستان وڭىرلىك كوممۋنيكاتسيا قىزمەتى تاراتقان اقپاراتتا.
