قارالى حاباردى مادەنيەت جانە اقپارات مينيسترلىگىنىڭ ءباسپاسوز قىزمەتى جاريالادى.
مەدەۋ ساپا ۇلى قازاق كەن-مەتاللۋرگيا ينستيتۋتىن بىتىرگەن سوڭ "جاس الاش" گازەتىندە ادەبي قىزمەتكەر, ءبولىم مەڭگەرۋشىسى, سەمەي تسەمەنت زاۋىتىندا ماستەر, اعا ديسپەتچەر, ونەرتاپقىشتار بيۋروسىنىڭ باستىعى, "ەگەمەندى قازاقستان" گازەتىنىڭ شىعىس قازاقستان وبلىسىنداعى مەنشىكتى ءتىلشىسى, قازاقستان جازۋشىلار وداعىنىڭ سەمەي وبلىسارالىق بولىمشەسىندە جاۋاپتى حاتشى قىزمەتىن اتقارعان.
مەدەۋ ساپا ۇلى ءوندىرىس پەن جازۋشىلىقتى قاتار الىپ ءجۇرىپ, "عاجايىپ ساۋلە", "كورىنبەستىڭ كولەڭكەسى" مەن "جەتىنشى تولقىن" عىلىمي فانتاستيكالىق تۋىندىلارىن جارىققا شىعاردى.
سونداي-اق ءوزى ەڭبەك ەتەتىن كەندى التايدىڭ تىرشىلىك-تىنىسىن, ءومىر اعىسىن سۋرەتتەيتىن "جاڭعىرىق", "كومبە" روماندارىن جازدى. "ساتباەۆ", "ەبىنەي بوكەتوۆ" اتتى دەرەكتى عۇمىرنامالارى مەن "شىعىس حيكاياسى" پەساسى وقىرماننىڭ جۇرەگىنەن ورىن الدى. ا.بەلياەۆتىڭ "قوس مەكەندى ادام" رومانىن قازاق تىلىنە اۋداردى. مەدەۋ ساپا ۇلىنىڭ اكادەميك ق. ساتباەۆ جايلى "پلانەتا ساتپاەۆا" جانە "چەرەز تەرني" كىتاپتارى الەمنىڭ 112 ەلىنە تاراعان.
