وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى الەۋمەتتىك جەلىدە تارالعان اقپاراتتىڭ فەيك ەكەنىن ءمالىم ەتتى.
- بىرقاتار بۇقارالىق اقپارات قۇرالدارى مەن الەۋمەتتىك جەلىلەردە تۇركىستان وبلىسىندا تەلەفون قۋاتتىعىشنان توق ۇرىپ, ءۇش بالانىڭ قازا تاپقانى تۋرالى جالعان اقپارات تاراتىلدى. بالالاردىڭ قۇقىقتارىن قورعاۋ كوميتەتى بۇل اقپاراتتىڭ شىندىققا جاناسپايتىنىن حابارلايدى. بولعان وقىس وقيعانىڭ قازاقستان رەسپۋبليكاسىنىڭ اۋماعىنا قاتىسى جوق, - دەلىنگەن اقپاراتتا.
مينيسترلىك دۇربەلەڭ مەن تۇسىنبەۋشىلىك تۋدىرۋى مۇمكىن جاعدايلاردىڭ الدىن الۋ ءۇشىن رەسمي اقپارات كوزدەرىن ۇستانىپ, تەكسەرىلمەگەن اقپاراتتى تاراتۋدان اۋلاق بولۋعا شاقىردى.
