ۇلت قايماقتارى باس قوسقان وردالى جيىندا مەملەكەت باسشىسى قاسىم-جومارت توقاەۆ ەلدىڭ الەۋمەتتىك-ەكونوميكالىق دامۋىمەن قاتار, رۋحاني-مادەني ورىستەۋىنە نەگىزدەلگەن ماڭىزدى ماسەلەلەرگە نازار اۋداردى. ەلىمىزدىڭ وتكەنى مەن بۇگىنى ءھام بولاشاعى ونىڭ تاريحي مۇراسىمەن تىعىز استاسىپ جاتقانىنا نازار اۋدارعان مەملەكەت باسشىسى: «قازاقستاندى «تاڭبالى تاستار مەكەنى» دەپ بەكەر ايتپايدى. ەشكىولمەس جوتاسى – ەۋرازيا قۇرلىعىنداعى پەتروگليفى ەڭ كوپ جەردىڭ ءبىرى. ارپاوزەن, قۇلجاباسى, ساۋىسقاندىق سايلارىندا كوپتەگەن تاريحي سۋرەت ساقتالعان. بۇل جادىگەرلەر – دالا وركەنيەتىنىڭ سان مىڭ جىلدىق شەجىرەسى. سوڭعى جىلدارى قۇرىلىسقا قاجەت دەگەن جەلەۋمەن كەيبىر جادىگەرلەرىمىز ءب ۇلىنىپ جاتىر. ءبىز تەڭدەسسىز تاريحي نىساندارىمىزدى جويۋعا جول بەرمەي, مۇقيات قورعاۋىمىز قاجەت... ءبىز باي تاريحي-مادەني مۇرالارىمىزدى ساقتاۋ ءۇشىن ارحەولوگيا سالاسىندا ءتارتىپ ورناتۋىمىز كەرەك...» دەپ اتاپ ءوتتى.
وتكەننەن ونەگە الماي, كەلەشەككە كەرۋەن تارتۋ مۇمكىن ەمەس. ۇلانعايىر دالامىزداعى تاريحي ماڭىزى جوعارى جادىگەرلەر مەن نىساندار – ۇلتىمىزدىڭ باعا جەتپەس بايلىعى. پرەزيدەنت قاسىم-جومارت كەمەل ۇلى قولدا بار قۇندىلىقتاردى كوزدىڭ قاراشىعىنداي ساقتاۋعا ءمان بەرۋ كەرەكتىگىن باسا ايتقانى كوڭىل توعايتادى. تاسىن تۇرتسەڭ تاريح سويلەيتىن شەجىرە دالامىزدىڭ قويناۋىندا مۇنداي قاسيەتتى ورىندار از ەمەس. ولارعا ايرىقشا ماڭىز ءبولىپ, عىلىمي تۇرعىدان زەرتتەپ-زەردەلەۋ جۇمىستارىن قولعا العان ابزال. الەمنىڭ وزىق ەلدەرى ءوز تاريحىمەن, كونەدەن قالعان اسىل مۇرالارىمەن ماقتانادى. ماسەلەن, باۋىرلاس تۇرىك ەلىندەگى ەجەلگى ساۋلەت, حالقىنا داۋلەت اكەلىپ جاتقانىن جاقسى بىلەمىز. وسىنى تەرەڭنەن زەردەلەگەن پرەزيدەنت, تاريحي جادىگەرلەردى قورعاۋدىڭ كەشەندى شارالارىن قولعا الۋدى تاپسىردى.
قۇرىلتاي وتىرىسىندا تاريحي-مادەني مۇرا ساناتىنا كىرەتىن نىساندارعا رەستاۆراتسيا جاساۋ ءىسىن رەتكە كەلتىرەتىن شارالاردى قولعا الۋ كەرەكتىگى, كەيبىر تاريحي جادىگەرلەرىمىزدى شەتەل مۇراجايلارىنان قازاقستانعا قايتارۋ جۇمىستارىن جانداندىرۋدىڭ ماڭىزدىلىعى باسا ايتىلدى. ء«تىپتى ونداي مۇمكىندىك بولماسا, ەلىمىزدەگى مۇراجايلارعا قويۋ ءۇشىن جادىگەرلەرىمىزدىڭ دالمە-ءدال كوشىرمەسىن جاساۋ كەرەك», دەدى پرەزيدەنت. مادەنيەت سالاسىنداعى قۇرىلتاي مۇشەلەرىنە بۇل ماسەلەگە ايرىقشا ءمان بەرۋ تاپسىرىلدى.
بۇل مىندەتتەردىڭ جۇيەلى جۇزەگە اسۋى – ۇلتتىق بىرەگەيلىگىمىزدى نىعايتاتىنى انىق. سەبەبى تاريحى مەن مادەنيەتىنە ءمان بەرگەن حالىقتىڭ قاي كەزدە دە ۇپايى تۇگەل. اتالعان باعىتتاعى جۇمىستاردى جانداندىرۋعا ەل مۋزەيلەرىنىڭ جەتەكشى ماماندارى دا جۇمىلۋعا ءتيىس.
