فوتو: Polisia.kz
2023 جىلعى ماۋسىمدا كەيۋاناعا «اكۆافور» سۇزگى قۇرىلعىسىن ءتيىمدى جەڭىلدىكپەن ورناتۋ ۇسىنىلادى. ەكى جاس جىگىت ۋادە ەتكەن جۇمىستى ورىندايدى. اجەي ورناتقان قۇرىلعى ءۇشىن تولەم جاساعان مەزەتتە جىگىتتەردىڭ ءبىرى اقشا جاسىرىلعان جەردى بايقاپ قالعان. بىرەۋى اجەيدى سوزگە الداندىرىپ, ەكىنشىسى كورشى بولمەگە ءوتىپ, 100 ملن تەڭگە قاراجاتتى جىمقىرعان. كەيۋانا اقشاسى ۇرلانعانىن بىرنەشە كۇننەن كەيىن عانا بىلگەن ەكەن.
«قۇرامىندا پەتروپاۆل قالاسىنىڭ پب جكب اعا كريميناليسى ەربول مۋسين بار پوليتسيا قىزمەتكەرلەرى وقيعا ورنىنا كەلىپ, ءمان-جايدى ناقتىلاي باستادى. ە.مۋسين پاتەردى مۇقيات قاراپ شىعىپ, الاياقتار قالدىرعان سۇزگى قۇرىلعىسى قورابىنان ىزدەردى تاپتى. ىزدەر بويىنشا قىلمىسكەرلەردىڭ جەكە باسى دا انىقتالدى. ولار قوستاناي وبلىسىنىڭ تۋماسى بولىپ شىقتى جانە بىرەۋىنىڭ پەتروپاۆل قالاسىندا تۇراقتى تۇراتىنى بەلگىلى بولدى. كريميناليستىڭ كاسىبي ءىس-قيمىلى نەگىزىندە قىلمىس قىسقا مەرزىمدە اشىلدى, قاسكويلەر ۇستالىپ, اقشالاي قاراجاتتىڭ ءبىر بولىگى اجەيگە قايتارىلدى», دەلىنگەن حابارلامادا.
