كەنيا مەملەكەتىنىڭ استاناسى نايروبي قالاسىندا وتكەن بۇۇ قورشاعان ورتا جونىندەگى اسسامبلەياسىنىڭ ءVى سەسسياسى بارىسىندا قازاقستاننىڭ شانحاي ىنتىماقتاستىق ۇيىمىنداعى توراعالىعىمەن شىۇ-بۇۇ جوعارى دەڭگەيدەگى ء«بىر پلانەتا, ءبىر بولاشاق: ەكولوگيالىق تۇراقتىلىق ءۇشىن كۇشتەردى بىرىكتىرۋ» ارنايى ءىس-شاراسى ۇيىمداستىرىلدى.
ءىس-شاراعا شىۇ-عا مۇشە مەملەكەتتەردىڭ قورشاعان ورتانى قورعاۋ ماسەلەلەرىنە جاۋاپتى مينيسترلىكتەرى مەن ۆەدومستۆولارى باسشىلارى قاتىسىپ, جاھاندىق ەكولوگيالىق جانە كليماتتىق پروبلەمالار جانە ولاردى شىۇ مەن بۇۇ الەۋەتىن پايدالانا وتىرىپ شەشۋ جولدارى تۋرالى پىكىر الماستى. ءىس-شارانىڭ قورىتىندىسىندا ىنتىماقتاستىقتى ورناتۋ ماقساتىندا شىۇ باس حاتشىسى چجان مين جانە بۇۇ قورشاعان ورتانى قورعاۋ باعدارلاماسىنىڭ اتقارۋشى ديرەكتورى ينگەر اندەرسەن شىۇ مەن يۋنەپ حاتشىلىقتارى اراسىندا ءوزارا تۇسىنىستىك تۋرالى مەموراندۋمعا قول قويىلدى. قۇجات بيولوگيالىق ارتۇرلىلىكتى ساقتاۋ, تابيعي اپاتتارمەن كۇرەسۋ, كليماتتىڭ وزگەرۋىنە بەيىمدەلۋ, عىلىمي-تەحنيكالىق ىنتىماقتاستىق, قورشاعان ورتانىڭ لاستانۋىن ازايتۋ, تۇراقتى دامۋعا جاردەمدەسۋ جانە ەكولوگيالىق ءتۋريزمدى ىلگەرىلەتۋ ماسەلەلەرىندە ەكى ۇيىم اراسىنداعى ىنتىماقتاستىقتى دامىتۋدى كوزدەيدى.
ءىس-شارا قازاقستان جاريالاعان «2024 جىل – شىۇ ەكولوگيا جىلى» باستاماسى اياسىندا ءوتتى.
