فوتو: dauletten.kz
ماسەلەن, اباي وبلىسىنىڭ اكىمدىگى 19 مىڭ اناعا, شىعىس قازاقستان وبلىسىنىڭ شەندىلەرى 4 بالادان كوپ وتباسىلارعا, ءى, ءىى دارەجەلى انا داڭقىن يەلەنگەن كەلىنشەكتەرگە 15 000 تەڭگە كولەمىندە جاردەماقى تولەۋدى جوسپارلاپ وتىر.
پاۆلودار وبلىسىنىڭ اق جاعالىلارى دا انالارعا 5 ايلىق ەسەپتىك كورسەتكىش كولەمىندە قارجىلاي قولداۋ كورسەتپەك.
وسىنداي سىيدى قاراعاندى وبلىسىنداعى 7 000 ايەل السا, سولتۇستىك قازاقستان ايماعىنداعى 7600-گە جۋىق كوپبالالى انالارعا 18 000 - 36 000 تەڭگە ارالىعىندا ءبىر جولعى جاردەماقى تولەنەدى.
كوپبالالى وتباسىلار تىزىمىندە كوش باستاپ تۇرعان تۇركىستان وبلىسى اكىمدىگى 42 250 اناعا ماتەريالدىق سىي جاسايدى.
جاۋاپتىلار ءبىر رەتتىك جاردەماقى 7 ناۋرىزعا دەيىن انالاردىڭ ەسەپشوتىنا تۇسەتىنىن حابارلادى.
ال وزگە ايماقتىڭ اتقا مىنەرلەرى بۇل تاقىرىپتا ءۇن قاتپادى.
