Qazaqstan Media سايتىنىڭ جازۋىنشا, ول بىرنەشە جىلدان بەرى پەتروپاۆل اكىمدىگىنە قاراستى «تازارتقىش, سۋ تارتقىش جانە سۋ وتكىزگىش عيماراتتار» كمك باسقارىپ كەلەدى.
كوممۋنالدىق كاسىپورىننىڭ ورىنباسارى ءارى ديرەكتورى پاۆەل بۋلاەۆتىڭ ۇستالعانىن سولتۇستىك قازاقستان وبلىسى بويىنشا سىبايلاس جەمقورلىققا قارسى قىزمەت راستاعان. ولار بۇل ءىس ونىڭ نەگىزگى قىزمەتىنە قاتىستى ەكەنىن اتاپ ءوتتى.
«بيۋدجەت قاراجاتىن جىمقىردى دەگەن كۇدىككە ءىلىندى, ول ۋاقىتشا ۇستاۋ يزولياتورىنا قامالدى», دەلىنگەن سقو بويىنشا سىبايلاس جەمقورلىققا قارسى كۇرەس دەپارتامەنتى اقپاراتىندا.
پاۆەل بۋلاەۆ ءبىر جىل بۇرىن وبلىستىق ءماسليحاتتىڭ دەپۋتاتى بولعان. ول ءبىر مانداتتى №13 اۋماقتىق سايلاۋ وكرۋگى بويىنشا «اق جول» پارتياسىنان سايلانعان.
