فوتو: shafaq.com
Shafaq News-ءتىڭ مالىمەتىنشە, كۇدىكتى بابيل اۋماعىندا قولعا ءتۇسىپ, كەيىن قوسىمشا جاۋاپ الۋ ءۇشىن بارلاۋ ورگاندارىنا تاپسىرىلدى. الدىن الا دەرەكتەرگە سايكەس, ول قاۋىپسىزدىك قۇرىلىمدارىنىڭ بىرىنە قاتىسى بار بولۋى مۇمكىن جانە ءجۋرناليستىڭ قاۋىپسىزدىگىن قامتاماسىز ەتۋ توبىنىڭ قۇرامىندا بولعان دەگەن بولجام بار.
باستاپقى مالىمەتتەرگە قاراعاندا, كيتتلسون ۇرلاۋ كەزىندە بولعان جول-كولىك وقيعاسىنان جەڭىل جاراقات العان. تەرگەۋ ماتەريالدارىنا سۇيەنسەك, جۋرناليست وتىرعان كولىك جول اپاتىنان كەيىن اۋىستىرىلىپ, ول باسقا كولىككە وتىرعىزىلىپ, بابيل ايماعىنا جەتكىزىلگەن.
بابيل پوليتسياسى كۇدىكتىنى وسى اۋماقتا ۇستاعاندىقتان, ءىستى ءوز قاراۋىنا العان. قازىر نەگىزگى تەرگەۋدى بارلاۋ قىزمەتى جۇرگىزىپ, وقيعانىڭ تولىق ءمان-جايىن انىقتاپ, باسقا كۇدىكتىلەردى ىزدەستىرىپ جاتىر.
كيتتلسون بىرنەشە جىلدان بەرى باعداتتان حابار تاراتىپ, حالىقارالىق باسىلىمدارعا – Al-Monitor, The National جانە Foreign Policy-گە ماتەريالدار جازىپ كەلگەن. ونىڭ نەگىزگى تاقىرىپتارى – قارۋلى توپتار, اقش پەن يراك قاتىناستارى جانە ايماقتاعى قاۋىپسىزدىك ماسەلەلەرى.
يراك ىشكى ىستەر مينيسترلىگىنىڭ مالىمەتىنشە, قاۋىپسىزدىك كۇشتەرى كۇدىكتىلەردى قۋدالاۋ بارىسىندا ولار مىنگەن كولىك اپاتقا ۇشىراپ, ءبىر ادام ۇستالعان. قازىرگى ۋاقىتتا ءجۋرناليستى ىزدەۋ جانە باسقا كۇدىكتىلەردى انىقتاۋ جۇمىستارى جالعاسىپ جاتىر.
