بانك توراعاسى جۋرناليستەردىڭ ۇلتتىق قورعا قاتىستى سۇراقتارىنا جاۋاپ بەردى.
«ۇلتتىق قور زارداپ شەگۋى مۇمكىن ەمەس. ويتكەنى قوردىڭ ۆاليۋتالىق بولىگى دوللارمەن ەسەپتەلەدى جانە تەڭگەگە قايتا ايىرباستالمايدى», دەپ جاۋاپ بەردى تيمۋر سۇلەيمەنوۆ.
ونىڭ ايتۋىنشا, ەلىمىزدەگى ەكسپورتتىق ءتۇسىمنىڭ 50 پايىزدان استامىن مۇناي قۇرايدى.
«تاجىريبەنىڭ ءوزى كورسەتىپ وتىرعانداي, تەڭگە – تۇراقتى ۆاليۋتا. ول وتكەن جىلدىڭ قورىتىندىسى بويىنشا وتە جوعارى تابىستىلىق كورسەتتى, قازىرگى ۋاقىتتا ەڭ تارتىمدى ۆاليۋتالاردىڭ ءبىرى. سىزدەر حالىقارالىق رەيتينگتەردى دە كورىپ وتىرسىزدار. قازاقستانداعى تاۋەكەل مەن تابىستىلىق اراقاتىناسى قازىرگى ۋاقىتتا الەمدەگى ەڭ ۇزدىكتەردىڭ ءبىرى. بۇل ينۆەستيتسيالاردى تارتادى جانە سونىڭ ناتيجەسىندە تەڭگە نىعايادى», دەدى سۇلەيمەنوۆ.
