ولجاس بەكتەنوۆ ءتيىستى قاۋلىعا قول قويدى.
بولىنگەن قاراجاتتىڭ:
- شامامەن 2,7 ملرد تەڭگە – ستەپنوگورسكتەگى 7,5 شاقىرىم ماگيسترالدىق جىلۋ جەلىسىن جوندەۋ جۇمىستارىن اياقتاۋعا;
- 1,2 ملرد تەڭگە – كوكشەتاۋداعى قازاندىقتاردىڭ پەشتەرى مەن جابدىقتارىن قالپىنا كەلتىرۋگە باعىتتالادى.
ستەپنوگورسكتە قازىردىڭ وزىندە 7,1 شاقىرىم جىلۋ جەلىسى جاڭارتىلىپ, توزۋ دەڭگەيى 71,4%-دان 68%-عا دەيىن تومەندەدى.
كوكشەتاۋدا بۇعان دەيىن تەحنيكالىق جۇمىستار كەشەنى جۇرگىزىلىپ, ناتيجەسىندە جابدىقتاردىڭ توزۋ دەڭگەيى 44%-دان 42%-عا دەيىن قىسقاردى.
جوبالاردى ىسكە اسىرۋ جىلۋمەن جابدىقتاۋ جۇيەسىنىڭ سەنىمدىلىگىن ارتتىرۋعا, اپاتتار سانىن ازايتۋعا جانە جىلىتۋ ماۋسىمىنىڭ تۇراقتى ءوتۋىن قامتاماسىز ەتۋگە مۇمكىندىك بەرەدى.
جالپى, 2025 جىلى ەل بويىنشا ەنەرگيا بلوكتارى, قازاندىقتار, تۋربينالار, جىلۋ جەلىلەرى مەن ەلەكتر جەلىلەرى جوندەلدى. بۇل جابدىقتاردىڭ توزۋ دەڭگەيىن تومەندەتىپ, ەلەكتر ستانتسيالارىنداعى تەحنولوگيالىق اقاۋلار سانىن ازايتتى.
