قازىرگى ۋاقىتتا كۇدىكتىگە قاتىستى كىسى ءولتىرۋ, نەكەگە ماجبۇرلەۋ جانە ستالكينگ فاكتىلەرى بويىنشا ءىس قوزعالعان.
پوليتسيانىڭ حابارلاۋىنشا, ەكى مارتە جۇرگىزىلگەن سوت-پسيحياتريالىق ساراپتامانىڭ ناتيجەسىندە كۇدىكتىنىڭ پسيحيكالىق اۋىتقۋلارى انىقتالعان. وسىعان بايلانىستى ول ءماجبۇرلى ەمدەۋ مەكەمەسىنە جىبەرىلگەن.
ال نۇراي سەرىكبايدىڭ اعاسى سۇلتان سەرىكباي كۇدىكتىنىڭ كەنەتتەن «ەسىنەن اۋىسۋى» جازادان قۇتىلۋدىڭ ايلاسى بولۋى مۇمكىن دەپ كۇدىكتەنەدى. ول العاشقى تەكسەرۋ شىمكەنتتە جۇرگىزىلىپ, قورىتىندىدا پسيحيكالىق اۋىتقۋى بار ەكەنى كورسەتىلگەنىن ايتتى. كەيىن الماتىدا قايتا تەكسەرۋ جاسالىپ, ۇقساس قورىتىندى شىققان. ونىڭ ايتۋىنشا, قازىرگى تاڭدا كۇدىكتىنىڭ جاعدايىندا سيمۋلياتسيا بەلگىلەرى بايقالادى.
نۇراي سەرىكبايدىڭ ولىمىنەن كەيىن پوليتسيا باسقارماسىنا جاڭا باسشى كەلدى
سونداي-اق ونىڭ ايتۋىنشا, كۇدىكتى قازىر شىمكەنتتە ەمەس, تالعارداعى پسيحياتريالىق ورتالىقتا ەم قابىلداپ جاتىر.
نۇراي سەرىكبايدىڭ ءىسى «اسا قاتىگەزدىكپەن كىسى ءولتىرۋ» بابىنا وزگەرتىلدى
پوليتسيا تاراپىنان جابىرلەنۋشى تاراپپەن تۇراقتى بايلانىس ورناتىلعانى ايتىلدى. تەرگەۋ بارىسى بويىنشا ءتۇسىندىرۋ جۇمىستارى جۇرگىزىلىپ, ساراپتاما ناتيجەلەرى مەن ءىس بويىنشا باسقا دا مالىمەتتەر زاڭ اياسىندا جەتكىزىلىپ وتىر.
