فوتو: اشىق دەرەككوز
دەپۋتات ءوز سوزىندە مەملەكەت باسشىسى قاسىم-جومارت توقاەۆ وتكەن جىلعى جولداۋىندا ازىق-ت ۇلىك قاۋىپسىزدىگىن قامتاماسىز ەتۋ جانە يمپورتقا تاۋەلدىلىكتى ازايتۋ ۇكىمەتتىڭ ستراتەگيالىق مىندەتى ەكەنىن اتاپ وتكەنىن ەسكە سالدى. ونىڭ ايتۋىنشا, بۇل مىندەتتەر وتاندىق اۋىل شارۋاشىلىعىن دامىتۋ, ءونىم جەتكىزۋ لوگيستيكاسىن وڭتايلاندىرۋ جانە تۇراقتى ءوندىرىستى قالىپتاستىرۋ ارقىلى جۇزەگە اسۋى ءتيىس.
سوڭعى 7 جىلدا ەلىمىزدەگى اۋىل شارۋاشىلىعى ءوندىرىسىنىڭ كولەمى ەكى ەسە ارتتى
تەمىر قىرىقباەۆ جىل باسىندا وڭىرلەردى ارالاپ, اۋىل تۇرعىندارىمەن كەزدەسكەنىن جەتكىزدى. كەزدەسۋلەر بارىسىندا شارۋالار اگروسەكتورداعى ەڭ وزەكتى ماسەلەلەردىڭ ءبىرى رەتىندە كادر تاپشىلىعىن اتاعان.
«اسىرەسە, مالشى, ساۋىنشى, مەحانيزاتور, ۆەتەرينار, اگرونوم, زووتەحنيك سەكىلدى مامانداردىڭ جەتىسپەۋشىلىگى بار ەكەنىن جەتكىزدى. بۇل جاعداي اۋىلدىق جەرلەردەگى تۇرمىس دەڭگەيىنىڭ تومەندىگىمەن, ەڭبەكاقى مولشەرىنىڭ جەتكىلىكسىزدىگىمەن جانە الەۋمەتتىك قولداۋ تەتىگىنىڭ السىزدىگىمەن تىكەلەي بايلانىستى», دەدى دەپۋتات.
اۋىل شارۋاشىلىعى كووپەراتسياسى: ولاردى ىنتالاندىرۋ ءتاسىلى قانداي؟
سونداي-اق ول جوعارى اۋديتورلىق پالاتانىڭ ەسەبىندە زەينەتاقى جارنالارى اۋدارىلمايتىن ازاماتتاردىڭ كوپ ەكەنى كورسەتىلگەنىن ايتتى. بۇل ەڭبەك زاڭناماسىنىڭ ساقتالۋىندا كەمشىلىكتەر بار ەكەنىن جانە باقىلاۋ تەتىكتەرىنىڭ السىزدىگىن بىلدىرەدى.
«مۇنداي ءۇردىس جۇمىس بەرۋشىلەر تاراپىنان مىندەتتەمەلەردىڭ تولىق ورىندالماۋى نەمەسە باقىلاۋ تەتىكتەرىنىڭ السىزدىگىمەن بايلانىستى بولۋى مۇمكىن. كادر تاپشىلىعىنىڭ ورىن الۋى اگروونەركاسىپتىك كەشەننىڭ تۇراقتى دامۋىنا, ەڭبەك ونىمدىلىگىنىڭ ارتۋىنا جانە ەلدىڭ ازىق-ت ۇلىك قاۋىپسىزدىگىنە تىكەلەي قاۋىپ توندىرەدى», دەدى ت. قىرىقباەۆ.
ايتا كەتەيىك, ۇكىمەت قازاقستان نەگىزگى ازىق-ت ۇلىك ونىمدەرى بويىنشا تولىق ءوزىن-ءوزى قامتاماسىز ەتۋگە كوشۋدى 2028 جىلعا دەيىن جوسپارلاپ وتىر. دەپۋتاتتىڭ ايتۋىنشا, اۋىلداعى شارۋالاردىڭ تاراپىنان كوتەرىپ وتىرعان كادرلىق ماسەلەسىن تولىققاندى شەشپەي ەلىمىزدى ازىق-ت ۇلىك ونىمدەرىمەن 2028 جىلعا دەيىن ءوزىن-ءوزى تولىق قامتاماسىز ەتۋگە مۇمكىن ەمەس.
ورمۇز بۇعازىنداعى شەكتەۋلەر وتاندىق اۋىل شارۋاشىلىعىنا قالاي ەسەر ەتەدى؟
وسىعان بايلانىستى دەپۋتات ۇكىمەتكە بىرقاتار ۇسىنىس جولدادى. اتاپ ايتقاندا, اۋىل شارۋاشىلىعى قىزمەتكەرلەرىنىڭ جالاقىسىن ارتتىرۋ ءۇشىن قوسىمشا تولەمدەر قاراستىرۋ جانە جەرگىلىكتى بيۋدجەت ەسەبىنەن سۋبسيديالاۋ باعدارلاماسىن ەنگىزۋ, سالا قىزمەتكەرلەرىنە جەكە تابىس سالىعىنىڭ تومەندەتىلگەن مولشەرلەمەسىن بەلگىلەۋ, سونداي-اق اگرارلىق وقۋ ورىندارىندا ماقساتتى گرانتتار مەن شاكىرتاقىلار كولەمىن ۇلعايتۋ قاجەتتىگىن ۇسىندى.
