فوتو: اشىق دەرەككوز
ءىس-شارانى ءال-فارابي اتىنداعى قازۇۋ قر بۇۇ اقپاراتتىق بيۋروسى — قر بۇۇ جاھاندىق كوممۋنيكاتسيا دەپارتامەنتىنىڭ وكىلدىگى جانە پان گي مۋن اتىنداعى تۇراقتى دامۋ ينستيتۋتىمەن سەرىكتەستىكتە ۇيىمداستىردى. دوڭگەلەك ۇستەلگە قازاقستان, وزبەكستان, قىرعىزستان, سلوۆاكيا, گەرمانيا جانە فرانتسيا ۋنيۆەرسيتەتتەرىنىڭ وقىتۋشىلارى, ستۋدەنتتەرى, ماگيسترلەرى مەن دوكتورانتتارى قاتىستى. عىلىمي ءىس-شارانىڭ ماقساتى – بۇۇ-نىڭ ورتالىق ازياداعى ورنىقتى دامۋى مۇددەسىندە عىلىمنىڭ حالىقارالىق ونجىلدىعى مىندەتتەرىنىڭ ماڭىزدىلىعىنا نازار اۋدارۋ.
عالىمدار بۇۇ تۇراقتى دامۋ ماقساتىندا ۋنيۆەرسيتەتتىڭ عىلىمي زەرتتەۋلەرىن ىلگەرىلەتۋدە جاھاندىق كوممۋنيكاتسيامەن بايلانىستىرۋ, عىلىمي مودەلدى وزگەرتۋگە باعىتتالعان تۇراقتى دامۋ ءۇشىن عىلىمي ميسسيالاردىڭ جول كارتاسىن جۇزەگە اسىرۋ مۇمكىندىكتەرىن تالقىلادى. سونداي-اق ولار قازىرگى كەزدە جاھاندانۋ ۇردىسىندە تۇراقتى دامۋ ماقساتتارى فوكۋسىنداعى كوممۋنيكاتسيالار مەن قوعاممەن بايلانىستىڭ تيىمدىلىگى, اقپاراتتىڭ قولجەتىمدىلىگى مەن تيىمدىلىگى ماسەلەلەرىن كوپشىلىككە ۇسىندى.
ء«بىز بۇگىن ەڭ وزەكتى تاقىرىپتاردى تالقىلاۋ ءۇشىن باس قوسىپ وتىرمىز. بىرىككەن ۇلتتار ۇيىمىنىڭ باس اسسامبلەياسى 2024–2033 جىلداردى «تۇراقتى دامۋدىڭ حالىقارالىق ونجىلدىعى (IDSSD)» دەپ جاريالادى. الەمدەگى جاڭا قاۋىپ-قاتەرلەرى مەن سىن-قاتەرلەردىڭ الدىن الۋ ءۇشىن اقپاراتتىق تۇتاستىقتىڭ بولۋى اسا ماڭىزدى. بۇل ماسەلەدە زامانىمىزدىڭ كۇردەلى ماسەلەلەرىن شەشۋ ءۇشىن عىلىمي پاندەر مەن ءبىلىم فورمالارى ارقىلى كۇش بىرىكتىرۋ قاجەت. وسى ورايدا ءال-فارابي اتىنداعى قازاق ۇلتتىق ۋنيۆەرسيتەتى بۇۇ-نىڭ تۇراقتى دامۋ جونىندەگى «اكادەميالىق ىقپال» باعدارلاماسى (UNAI) جاھاندىق حابى رەتىندەگى ءرولىن ەرەكشە اتاپ وتكىم كەلەدى», دەدى بۇۇ جاھاندىق كوممۋنيكاتسيالار دەپارتامەنتىنىڭ وكىلى ۆلاستيميل سامەك.
