فوتو: polisia.kz
«الاياقتى جەدەل ءىس-شارالاردىڭ ناتيجەسىندە قالالىق پد-نىڭ كيبەرپوليتسەيلەرى ۇستادى. ۇستالعان ازامات شۋ قالاسىنىڭ 27 جاستاعى تۇرعىنى. تەرگەۋ بارىسىندا انىقتالعانى, ول بۇرىن-سوڭدى وسى قوناق ۇيدە بىرنەشە رەت بولىپ, مەڭگەرۋشىنىڭ جەكە ءنومىرىن ءبىلىپ العان. كەيىن وعان حابارلاسىپ, ءوزىن ءورت ءسوندىرۋ قىزمەتكەرى رەتىندە تانىستىردى. قاسكوي حوستەل عيماراتى قاۋىپسىزدىك تالاپتارىنا تولىق ساي كەلمەيتىنىن جانە ءتيىستى سەرتيفيكاتتىڭ مەرزىمىن 58 مىڭ تەڭگەگە ۇزارتا الاتىنىن جەتكىزگەن. الدانعان ازامات بىردەن قاجەت سومانى ايتىلعان شوتقا اۋدارعان. ۋاقىت وتە الاياقتىڭ ارباۋىنا تۇسكەنىن بىلگەن جابىرلەنۋشى پوليتسياعا وسى جايت تۋرالى حابارلاعان. قازىرگى تاڭدا قىلمىستىق ءىس ايىپتاۋ اكتىسىمەن سوتقا جولداندى», دەلىنگەن اقپاراتتا.
قۇقىق قورعاۋشىلار بەيتانىس ادام قوڭىراۋ شالىپ, ءتۇرلى ماسەلەڭىزدى شەشۋ ءۇشىن اقشا تالاپ ەتسە, بىردەن بايلانىستى ۇزۋگە كەڭەس بەرەدى.
