ول بالدىرعاننىڭ جارىق دۇنيە ەسىگىن اشقان ساتىنەن باستالادى. بەسىك جىرى, ەسەيگەن سايىن ۇيرەنەتىن اندەرى, جىرلارى, بالانىڭ تىرشىلىگىنە ەنىپ وتىراتىن باسقا دا راسىمدەر ونى جەكە تۇلعانى قالىپتاستىرۋداعى ەڭ قاجەتتى ەلەمەنتتەر.
وسكەلەڭ ۇرپاقتى ۇلتتىق قۇندىلىقتارعا سۇيەنە وتىرىپ, بالا كەزىنەن تاربيەلەۋ كەرەك. مۇنداي تاربيەنى كورگەندەر ەرتەڭ «ەلىم, جەرىم» دەيتىن جاستارعا جۇگىنەتىنى ءسوزسىز. سەبەبى ۇلتتىق قۇندىلىقتاردىڭ نەگىزگى كورىنىستەرى پاتريوتيزمنەن, وتباسىنىڭ تۇتاستىعىنان, قوعامعا پايداسىنان تۇرادى. تاريحقا كەلەر بولساق, اجەلەرىمىز بەن انالارىمىزدىڭ ءبىلىم مەن تاربيە بەرۋدەگى ءرولى وراسان زور ەكەنىن بايقايمىز. وسىنداي انالاردان اباي, ماعجان, شاكارىم, باۋىرجان سياقتى الىپتار دۇنيەگە كەلگەن.
بۇگىنگى تاڭدا, ءبىز وقۋشىلارىمىزدىڭ بويىنا ساباق بارىسىندا ۇلتتىق قۇندىلىقتى ءسىڭىرۋ ءۇشىن ۇلتتىق كيىمدەرىن كيگىزۋگە, سانالارىنا اتا-بابامىزدان قالعان ءتالىم-تاربيەنى ەنگىزۋگە اتسالىسىپ جاتىرمىز. اپتا سايىن ۇلتتىق ويىن ويناتىپ, سالت-ءداستۇرىمىزدى جاڭعىرتۋ ءۇشىن ءتۇسىندىرۋ جۇمىستارىن وتكىزەمىز. قىزدارىمىزدىڭ شاشىنا شاشباۋ تاعۋى, شولپىلارىنىڭ باۋلارى قوس بۇرىمدارىنا ءورىلىپ تۇرعانى كوزدىڭ جاۋىن الادى. شولپى تاعۋ ارقىلى قىزدارىمىز ءجۇرىسى مەن بويىن تىك ۇستاۋ مانەرىن قالىپتاستىرعان. ونداي ۋاقىتتا بالالار مەكتەپ ىشىندە بەيبەرەكەت جۇگىرمەۋگە تىرىساتىنىن دا بايقاپ ءجۇرمىز. بۇل دا ەڭبەگىمىزدىڭ كىشكەنتاي بولسا دا جەمىسى دەپ بىلەمىن.
مەكتەپ دەگەندە كوز الدىمىزعا اق جيدە, كوك بەلدەمشە كيگەن شاكىرتتەرىمىز كەلەتىنى بەلگىلى. دەسە دە, قازىرگى تاڭدا ۇلتتىق ناقىشتاعى كيىمدى جىلىنا ءبىر رەت ناۋرىز مەرەكەسىندە عانا ەمەس, مەكتەپتەگى شاكىرتتەرىمىزدىڭ بىردەي ۇلگىدە كيىپ جۇرگەندىگى قۋانتادى. بۇل ورايدا مەكتەپتىڭ ىشكى تارتىبىنە كەلىسىپ, بالالارىنا كيىم الىپ بەرىپ وتىرعان اتا-انالارىمىزعا دا ايتار العىسىمىز شەكسىز.
ۇلتتىق قۇندىلىقتى ناسيحاتتاي وتىرىپ, ءبىلىم بەرۋدىڭ تۇپكى ماقساتى – جەكە تۇلعانىڭ ءومىرىن باعدارلاۋعا كومەكتەسۋ. شاكىرتتەرىمىز ەسەيگەن سايىن قوعامعا جوعارى دارەجەدە ۇلەس قوسادى دەگەن سەنىمدەمىز.
ءتارتىپتى, تاربيەلى بولىپ قالىپتاسۋى ءۇشىن ۇلتتىق قۇندىلىقتى دارىپتەۋ – ءبىلىم بەرۋ ىسىندەگى بىرەگەيلىكتىڭ نەگىزگى كاتاليزاتورى. ويتكەنى بۇل ازاماتتارىمىزعا ءوز ەلىنىڭ ەرەكشەلىكتەرىن, بىرەگەيلىگىن باعالاۋعا, بولاشاقتا ونىڭ دەموكراتيالىق دامۋىنا, باسقا دا دامۋ ۇدەرىستەرىنە بەلسەنە اتسالىسۋعا كومەكتەسەدى. وقۋ-اعارتۋ مينيسترلىگى سول ءۇشىن دە ءبىلىم بەرۋ ينستيتۋتتارى ارقىلى ءتۇرلى سحەما مەن باعدارلامانى قولعا الدى. بۇل باعدارلامالار وقۋشىلارعا ءارتۇرلى ايماقتاعى ءتىلى باسقا, ءدىنى بولەك, سالت-ءداستۇرى دە ەرەكشەلەنەتىن ادامدارمەن قارىم-قاتىناس ورناتۋعا, سونداي-اق پاتريوتيزم, الەۋمەتتىك جاۋاپكەرشىلىك جانە ازاماتتىق سانا سەزىمدەرىن دامىتۋعا مۇمكىندىك بەرەدى.
جانار سارسەنباەۆا,
الماتىداعى № 209 مەكتەپ-گيمنازياسىنىڭ باستاۋىش سىنىپ مۇعالىمى
