سوعان سايكەس الداعى بەيسەنبىدە سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيزنەس جۇرگىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى ەكىنشى وقىلىمدا قارايدى. بۇل زاڭ كاسىپكەرلىك قىزمەت سالاسىنداعى زاڭنامانى جەتىلدىرۋ جانە بيزنەستى دامىتۋ ءۇشىن قولايلى جاعدايلار جاساۋ ماقساتىندا ازىرلەنگەن.
قۇجات نورمالارى مەملەكەتتىك باقىلاۋ مەن قاداعالاۋ نىساندارىن رەتكە كەلتىرۋگە, كاسىپكەرلىك قىزمەتتى جۇرگىزۋگە جانە دامىتۋعا ارنالعان جاعدايلاردى جاقسارتۋعا, مەملەكەت باسشىسىنىڭ جەكەلەگەن تاپسىرمالارىن ىسكە اسىرۋعا ارنالعان.
سونىمەن قاتار سەنات وتىرىسىندا «حالىقارالىق سۋ اعىندارىن كەمە قاتىناسىنان باسقاشا پايدالانۋ تۇرلەرىنىڭ قۇقىعى تۋرالى كونۆەنتسيانى راتيفيكاتسيالاۋ تۋرالى» زاڭ قارالادى. كونۆەنتسيا – جەرۇستى جانە جەراستى سۋلارىن ءادىل جانە تۇراقتى باسقارۋعا ىقپال ەتۋدىڭ جاھاندىق قۇقىقتىق تەتىگى. ولاردىڭ بولىكتەرى ءارتۇرلى مەملەكەتتەردە كەزدەسەتىنىن اتاپ وتكەن ءجون.
سونداي-اق «2014 جىلعى 23 جەلتوقسانداعى ەۋرازيالىق ەكونوميكالىق وداق شەڭبەرىندە مەديتسينالىق بۇيىمدار (مەديتسينالىق ماقساتتاعى بۇيىمدار مەن مەديتسينالىق تەحنيكا) اينالىسىنىڭ بىرىڭعاي قاعيداتتارى مەن قاعيدالارى تۋرالى كەلىسىمگە وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» زاڭ دا پالاتا وتىرىسىنىڭ كۇن تارتىبىنە شىعارىلدى. اتالعان قۇجات ءتيىستى سالاداعى زاڭنامانى جەتىلدىرۋگە باعىتتالعان.
بۇدان بولەك, بيۋرو وتىرىسىندا ماجىلىستەن كەلىپ تۇسكەن زاڭدار سەناتتىڭ تۇراقتى كوميتەتتەرىنە ءبولىنىپ بەرىلدى.
