ساپار بارىسىندا سالا باسشىسى ەكى مەملەكەت اراسىنداعى ەكونوميكالىق بايلانىستاردى تەرەڭدەتۋگە باعىتتالعان بىرقاتار كەزدەسۋلەر وتكىزەدى. ەرەكشە نازار GP GünterPapenburg AG باقىلاۋ كەڭەسىنىڭ مۇشەسى مانفرەد گرۋندكەمەن جانە گەرمانيا ەكونوميكاسىنىڭ شىعىس كوميتەتىنىڭ باسقارۋشى ديرەكتورى مايكل حارمسپەن كەزدەسۋگە اۋدارىلادى. كەزدەسۋلەردە ونەركاسىپ سالاسىنداعى بىرلەسكەن جوبالاردى جۇزەگە اسىرۋ جانە ينۆەستيتسيالىق ىنتىماقتاستىق ماسەلەلەرى تالقىلانادى.
بۇدان باسقا, مينيستر ونەركاسىپتى دامىتۋ سالاسىنداعى پىكىر جانە تاجىريبەمەن الماسۋ الاڭىنا اينالاتىن گەرمانيا ەكونوميكاسىنىڭ شىعىس كوميتەتىنىڭ مۇشە كومپانيالارىنىڭ وكىلدەرىمەن وتەتىن دوڭگەلەك ۇستەلگە قاتىسادى. سونداي-اق «Zierbus» جانە «Fronius International» جەتەكشى كومپانيالارىمەن ەكىجاقتى كەزدەسۋلەر جوسپارلانعان. ونىڭ ماقساتى – جوعارى تەحنولوگيالار مەن جابدىقتار ءوندىرىسى سالاسىنداعى ىنتىماقتاستىقتى كەڭەيتۋ مۇمكىندىكتەرىن تالقىلاۋ.
سونىمەن قاتار ساپاردىڭ باستى وقيعاسى ءمينيستردىڭ قازاقستان مەن گەرمانيا اراسىنداعى ەكونوميكالىق قارىم-قاتىناستاردى ودان ءارى دامىتۋ ماسەلەلەرى تالقىلاناتىن ۇكىمەتارالىق جۇمىس توبىنىڭ وتىرىسىنا قاتىسۋى بولماق.
بۇل ساپار قازاقستان رەسپۋبليكاسى مەن گەرمانيا فەدەراتيۆتىك رەسپۋبليكاسى اراسىنداعى سەرىكتەستىكتىڭ ماڭىزدىلىعى مەن تەرەڭدىگىن كورسەتىپ, ونەركاسىپتىك سالاسىنداعى بىرلەسكەن ينۆەستيتسيالار مەن جوبالار ءۇشىن جاڭا مۇمكىندىكتەرگە جول اشپاق.
